Categories

اعلان

Loading…

کامرون د پاکستان صدراعظم د افغانستان په اړه د لندن کنفرانس ته وباله

تاند- د بریتانیا صدراعظم ډیویډ کامرون د پاکستان صدراعظم ته بلنه ورکړه چې د راتلونکې نوومبر په وروستیو کې په لندن کې د افغانستان په نړیوالو کنفرانس کې ګډون وکړي.

نوازشریف ته همداراز بلنه ورکړای شوې وه چې به چین کې د افغانستان د استانبول د کنفرانسونو د سږ کال په غونډه کې ګډون وکړي خو نوازشریف پتېیلې ده چې د ملي امنیت سلاکار سرتاج عزیز بېجنګ ته ولېږي.

د بریتانیا صدراعظم کامرون نن نوازشریف ته ټېلفون وکړ او له هغه یې وغوښتل چې د نوومبر په درېمه اوونۍ په لندن کې د افغانستان په کنفراننس کې برخه واخلي.

د پاکستان د صدراعظم ویندوی محی الدین واني وویل:«د لندن کنفرانس د بریتانیا د صدراعظم دیوید کامرون او د افغانستان د ولسمشر اشرف غني احمدزي په ریاست جوړېږي، په دې کنفرانس کې به له افغانستان سره د نړیوالې ټولنې د ژمنو بیا پخلی وشي.»

ښاغلي کامرون له نوازشریف سره په خبرو کې د جنګ ځپلي افغانستان په سوله او ثبات کې د پاکستان رول ډېر مهم وباله.

د نوازشریف د ویندوی په وینا ډیویډ کامرون وویل:«د افغانستان د یوه خورا مهم ګاونډي په توګه تر ټولو په لوړه کچه د پاکستان ګډون به په افغانستان کې د سولې او ثبات په راوستلو کې د پاکستان ژمنه وښيي.»

د نواز شریف ویندوی وویل چې د لندن په کنفرانس کې د پاکستان د صدراعظم ګډون به د دې تر څنګ چې له اشرف غني احمدزي سره به د کتنې چانس برابر کړي دا موقع به هم برابره کړي چې دوه مشران د بریتانیا او پاکستان پر دوه اړخیزو اړیکو هم خبرې وکړي.

62 total views, 1 views today

1 comment

  1. shakir Reply

    دا خو د دوی وړوکي بچک دی ، ولی به یی نه وربولی

Leave a Reply

Your email address will not be published. Required fields are marked *