Categories

اعلان

Loading…

اسلامپال يار! / زاهد جلالي

زما يار دی، ځان اسلامپال بولي، ښه کلک اسلام پال، دا زه او زما رنګي ورته بيخي ګمراه او له صراط المستقيمه د وتلو په حال ښکارو..

که يې کوم خوشبينه وويني، ښه پرې غولېږي. سوچه ږيره، ښه خولۍ، نوراني قواره، ښې ښې خبرې.. ګومان به وکړې چې د بني آدم په قواره کې فرشته ده..

که يې څوک ليکنې ولولي، د اسلام ستر مجاهد به ورښکاره شي.. هره خبره کې د قرآن حاکميت، د اسلام قانون، مسلمانه ټولنه، اسلام نظام.. نه پرته بله نه وي.. ګومان به وکړې چې د اسلامي فکر دومره ستر مخلص دی، چې له سر و ځان و ماله ورتېر دی..

لنډه دا چې د خلکو او ټولنې په غولونې کې ښه ماهر دی، ډېری سيکالوجېستان يې پر ځان غلط کړي او ډېر هوښياران يې د ترکستان پر لور رهي کړي..

وروسته له دې چې دی مې وليد، ورسره کېناستم، مجلس مو وکړ او سفر کې سره ګډ شوو.. اوس ګومان کوم؛ کله چې خبرې کوي، ژبه و شونډې دروغځن بولي.. دی چې وايي د قرآن حاکميت، ژبه يې وايي، منافقه اول خو تا د قرآن حکم تر پښو لاندې کړی، شونډې يې وايي، مفسده، ته خو تر نورو په کې مخکې يې..

دی چې کله خلک په ارتداد او فسق تورنوي، خپلې ګوتې يې د فساد او مختورنۍ شاهدي پرې وايي او خپلې سترګې لعنت پرې وايي..

ځکه؛

چې دی له اسلام و له قرآنه اوزاري استفاده کوي، دی يوازې له دې سترو نصوصو او مقدساتو د خپل شهرت او سپين ښودلو له پاره استفاده کوي.. ځکه يې ژبه دروغځن بولي، شونډې يې منافق او لاسونه و سترګې يې له ليکلو شرمېږي..

زما «اسلامپال» يار، خلکو ته ځان د اسلام ډېر خواخوږي او د تطبيق تږی ښکاروي خو په خپله يې نقضوي او هر حکم او خپله هره وينا تر پښو لاندې کوي، همدا لامل دی چې خپل بدن به يې پرې منفي شاهدي ورکوي!

زه چې دغسې «اسلامپال» وينم، بيا خپل پخوانی قناعت راته بيخي درست ښکاره شي، او د اسلام په روزنيزه زده کړه لا ښه پوه شم.

وايي امام ابو حنيفه ته يوه فاسق، چې د ده په روزنه اصلاح شو، وويل چې نور غواړم جهاد ته لاړ شم، ستر امام ورته وايي چې ستر جهاد وکړه، له نفس سره جهاد، اولاد وروزه، نفقه ورته پيدا کړه او ټولنه جوړه کړه..

اسلام چې له نفس سره جهاد، ستر جهاد بولي، همدا لامل دی، همدا اړتيا ده چې د ځان اصلاح تر هر څه مهمه او لومړۍ ده..

موږ لا هم په شعارونو تېر ورځو او په فېسبوکي شعار ته ورته ليکنو زړونه تشوو، او همدا راته ستر جهاد او ستره اسلامپالنه ښکاري..

خو دا غلطي ده، د اسلام نه درک کول دي، د ځان غولول او د ټولنې خرابول دي..

زه چې د فېسبوک اسلامپال وينم، چې شپه و ورځ فېسبوک ته ناست وي، خپله خبره و په بل تبصره کوي، بیا ځان د اسلام خواخوږی و ستر اسلامپال بولي، په اسلامپالنه مې زړه وخوږېږي، او د اسلام دې احمقو لارويو ته حيران شم..

زه د اسلامپالنې مخالف نه، هېڅ کله، ځان اسلامپال بولم، او د اسلامپالنې له پاره کار کوم، خو منافقت اسلامپالنه نه ده.. اسلامپالنه صداقت دی، رښتيا ده، پوهه ده، عمل دی او مقاومت دی! له نفس سره مقاومت، له شيطان سره مقابله او بیا د دوښمن په وړاندې درېدل..

275 total views, 2 views today

2 comments

  1. shakir Reply

    جلالی صاحب نږدی وو چی د ډیرو ځمکو د غاصب نوم واخلی خو د خولی نه د ولوید چی ولی؟

  2. Shamshad Zadran Reply

    دا ذبیع الله مجاهد هم یو څه د ای اس ای احمقوغلامانو ته په قهر شوی، داسی ښکاری چه واقعیتونه یی درک کړی

Leave a Reply to Shamshad Zadran Cancel reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2