Categories

اعلان

Loading…

د افغانستان ولسمشر او د سعودي ولیعهد پر دوه اړخیزو اړیکو خبرې وکړې

تاند- د افغانستان ولسمشر اشرف غني احمدزي نن د سعودي عربستان له ولیعهد شهزاده سلیمان بن عبدالعزیز سره په کتنه کې وویل، هماغه راز چې یې د انتخاباتو په کمپاینونو کې ژمنه کړې وه د اسلامي هیوادونو سره د اړیکو پراختیا ته لومړیتوب ورکوي.

د سعودي عربستان د رسمي خبري اژانس (اس پي اې) د راپور له مخې دواړو چارواکو د افغانستان او سعودي ترمنځ په بېلابېلو برخو کې د اړیکو د پراختیا پر لارو چارو خبرط وکړې.

د سعودي عربستان ولیعهد شهزاده سلیمان چې په عین وخت کې د سعودي د صدراعظم مرستیال او دفاع وزیر هم دی، د افغانستان ولسمشر ته هرکلی ووایه او د پاچا ملک عبدالله له لوري یې غرمنۍ ته مېلمه کړ.

په سعودي عربستان کې اصلي واګې د ولیعهد په لاس کې دي ځکه چې ملک عبدالله عموماً ناروغ وي.

د سعودي عربستان رسنۍ وايي چې افغان ولسمشر د سعودي عربستان له پاچا ملک عبدالله سره هم د کتنې پروګرام لري..

د سعودي عربستان د ولیعهد له لوري د ولسمشر اشرف غني په ویاړ په مېلمستیا کې شهزاده فیصل بن محمد بم سعود، د سعودي عربستان د استخباراتو عمومي رييس شهزاده خالد بن بندر بن عبدالعزیز، د ښروالیو او کلیوالي چارو وزیر ظهزاده ډاکتر منصور بن عبدالعزیز، د ملي ګارډ وزیر شهزاده متب بن عبدالله بن عبدالعزیز او یو شمېر نورو جګپوړو چارواکو برخه اخیستې وه.

1په همدې حال کې ارګ وايي چې ولسمشر احمدزي سعودي عربستان ته د خپل سفر په دوهمه ورځ د دغه هیواد له ولیعهد سره په خبرو کې د دوو هیوادونو ترمنځ د ستراتیژیکو همکاریو، د اسلامي نړۍ په ستونزو کې د سعودي د رول، د سیمه ییزو همکاریو په چوکاټ کې د افغانستان په سوله او ثبات کې د سعودي پر نقش، په عربستان کې د افغان کارګرو او سوداګرو د ستونزو او د حج د مراسمو په مهال د افغان حاجیانو د ستونزو د حل کولو په باب خبرې وکړې.

ولسمشر غني له سعودي عربستانه مننه وکړه چې افغان حاجیانو ته تود هرکلی وايي. ده همداراز وویل چې افغانستان له سعودي عربستان سره د پراخو اقتصادي اړیکو غوښتونکی دی.

ده افغان حاجیانو ته د اسانتیاوو د برابرولو په خاطر په سعودي کې د افغانستان لپاره د وقف شوې مځکې په باب هم خبرې وکړې.

د ارګ له خبرپاڼې سره سم د سعودي عربستان ولیعهد افغانستان د اسلامي نړۍ مهم هیواد وباله او ژمنه یې وکړه چې په افغانستان کې د سولې او ثبات د ټینګښت لپاره به له هیڅ راز هڅې ډډه ونه کړي.

89 total views, 1 views today

1 comment

  1. اننعجنير ډلاور حبيبی Reply

    نیکې او تاوده سلامونه مو ومنۍ.
    ګرانو که زما پر وړانديز يو څه فکر وکړو خوشخاله بهشم.
    که دغه وياړلې خپرندويه ليکنه مو د تايپ نه وروسته بيا ولوستله اد تټايپ سهوې مو روغې کړې. خوشخالې خو پريږده چې خوشخال ليونی بشم.

Leave a Reply

Your email address will not be published. Required fields are marked *