Categories

اعلان

Loading…

په یوه ترافیکي پېښه کې ۲ تنه مړه او ۱۱ نور ژوبل شول

تاند- په لغمان کې په یوه ترافیکي پېښه کې دوه تنه مړه او یوولس نور ژوبل شول.

د لغمان د والي ویاند سرحدي ځواک وویل چې دا پېښه نن سهار د قرغیو ولسوالۍ د فرمانخېلو په سیمه کې د یوه سراچه او الټو موټر د ټکر په نتیجه کې وشوه.

د ځواک په وینا د الټو چلوونکی او یوه سپرلۍ (ښځه) په موټر کې د ګیسو د ډبې د اور اخیستو له کبله مړه شوي او په دغه موټر کې شپږ تنه نور ناست کسان ژوبل شوي او د لغمان د عامې روغتیا روغتون ته د درملنې لپاره وړل شوي دي.

(د ځواک څرګندونې)

Zwak Voice Clip 4

په ټپیانو کې ۵ ماشومان، ۴ نارینه او دوې ښځې شاملې دي.

په افغانستان کې د موټر چلوونکو د بې احتیاطۍ، د ترافیکي مقرراتو د نه رعایتولو او د سړکونو او موټرو د کیفیت د خرابوالي له کبله ترافیکي پېښې زیاتې کېږي.

تقریباً هره ورځ په لویو لارو ترافیکي پېښې کېږي. د ځینو شمېرنو پر اساس د وسله والو طالبانو له لوري تر جګړې په ترافیکي پېښو کې زیات افغانان مړه کېږي.

76 total views, 1 views today

Leave a Reply

Your email address will not be published. Required fields are marked *