Categories

اعلان

Loading…

لاوروف: ناټو د افغانستان د امنیت لپاره د ډله ییز امنیتي تړون وړاندیزونه رد کړي

تاند- د روسیې د بهرنیو چار وزیر وايي چې ناټو په افغانستان کې د ثبات راوستلو لپاره د ډله ییزو امنیتي ټړون له ټولنې (CSTO) سره همکاري رد کړې ده.

د ریا نووستي روسي خبري اژانس د راپور له مخې سرګی لاوروف نن /دوشنبه/ وویل چې ناټو د ایډیالي او خیالي دلایلو په وجه له ډله ییز امنیتي ټړون سره د افغانستان د حالاتو په برخه کې همکاري رد کړې ده.

لاوروف وویل:«په ناټو کې زموږ شریکانو په تېرو ۱۰ کلونو کې له ډله ییز امنیتي تړون سره د همکارۍ د یوې ګډې کاري ډلې د جوړېدو په اړه زموږ وړاندیزونه پر له پسې رد کړي دي.»

ده وویل چې ډله ییز امنیتي تړون تل له افغانستان سره په خپلو پولو کې تروریستي ضد او د مخدرو موادو ضد فعالیتونه کړي دي.

په ډله ییز امنیتي تړون کې د روسیې ترڅنګ، ارمنستان، بیلاروس، قزاقستان، قرغیزستان، ازبکستان او تاجکستان غړیتوب لري.

د دغو هیوادونو په منځ کې تاجکستان او ازبکستان له افغانستان سره پوله لري.

روسیه تل وايي چې په افغانستان کې د تروریزم او مخدرو موادو له درکه اندېښنه لري. دا هیواد په عین حال کې چې په افغانستان کې د ناټو ځواکونو پر حضور یو نیم وخت نیوکې کوي، د هغو پر وتلو هم اندېښنه ښيي.

51 total views, 1 views today

Leave a Reply

Your email address will not be published. Required fields are marked *