Categories

اعلان

Loading…

د زمري په خوله کې/ نورالباري مل

دی د يوه ناکامه کاروباري زوی و، ماشومان پر دوه کلنۍ خبرې زده کوي، خو دی د څلور کالو و لا يې خبرې نه شوې کولای، اتکلن شو خو ليک‌لوست يې نه و زده، د ټمبلۍ له خوا پر تمامه وه. ښوونکو يې دا فکر کاوه چې د ده دماغ پر ځای نه دی، هاغه و چې په دې پلمه يې له ښوونځي ويوست چې ګواکې د ده ټمبلي د ښوونځي پر نورو ماشومانو هم بده اغېزه کوي. د المان ښوونځيو د ده له شاملولو نټه کوله.

خو دې ماشوم ماته وه نه منله، شپه و ورځ يې پر ځان يو کړل، ډېری مهال به تر نيمې شپې ويښ و، يو عالم خوارۍ او زاره ترکۍ يې وګاللې تر پرلپسې هاندوهڅو وروسته يې پر ۴۲ کلنۍ په فزيک کې د نوبل جايزه وګټله. نن چې په کوم مجلس کې د فزيک نوم يادېږي هلته به هرو مرو د البرټ آينسټاين نوم هم يادېږي. آينسټاين د شلمې پېړۍ په ساينس کې اوړون‌ټکی Turning Point رامنځته کړ، د ده نظريې په نومهاله فزيک کې د قوانينو په توګه منل کېږي.

له تېروتنو انسان زده کړه کوي، ناکامي انسان ته همت ور بښي او ستونزمن حالات يې پټ استعدادونه پر خوځښت راولي.

نن چې موږ په نړۍ کې څومره بريالي شخصيتونه پېژنو، ډېرو يې خپل ژوند يا کار له ناکاميو او تېروتنو را پېل کړی دی. ستونزې يې ګاللي دی، همت يې ساتلی دی او ډېر وروسته يې برياوې خپلې کړي دي.

خو له بده مرغه زموږ ځوانان د ناکامېدو له وېري حتی يوه کار ته لاس هم نه ور اچوي. له یوه کار سره به مينه لري، د ده او هغه کار تر منځ به هېڅ مادي خنډ هم نه وي، خو په کلونو کلونو به لاس تر زنې ورته ناست وي او په زړه کې به يې ورګرځي چې “دا به زه نه وکولای شم يا هسې نه ناکام او د خلګو د خندا شم.”

هېنري فارډ بېلابېل کاروبارونه پېل کړه، يوه يې نه دوې کېده. په هر کار کې له ناکامۍ سره مخ شو، په ګڼو کاروبارونو کې ډېوالي هم شو. خو همت يې له لاسه ور نه کړ، بلاخره يو وخت د بريالېدو نوبت هم ور ورسېد. نن د فارډ د موټر جوړونې شرکت د نړۍ د اوڅارو (مشهورو) او برياليو شرکتونو له ډلې دی. نن د افغانستان د ملي اردو او ملي پوليسو عسکرو ته هم فارډ شرکت رېنجر موټرونه ور جوړوي.

د فارډ او آینسټاين وروستنيو برياليتوبونو او پخوانيو ناکاميو ته چې سړی ځير شي داسې انګېري لکه دوی چې د خوشال بابا وصيت اورېدلی او پاللی وي.

که فلک دې د زمري په خوله کې ورکا

د زمري په خوله کې مه بايله همت

زموږ ستونزه دا ده چې همت يا خو نه لرو او يا يې ډېر ژر له لاسه ورکوو. پر وړو وړو خبرو مو زړه ماتېږي، د يوه کار تر پيلولو وړاندې مخ ته پراته خنډونه او ستونزې نه سنجوو او يا يې دومره ځان ته غټوو چې د کار د پيلولو مخه مو ډب کړي.

ځوانان بايد د نړۍ د برياليو شخصيتونو ژوندليکونه وګوري او پر دې پوه شي چې دوی دا دومره برياليتوبونو په يوه شپه نه دي ترلاسلي. او نه هم دوی له موره بريالي زېږېدلي دي.

1,137 total views, 3 views today

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2