Categories

اعلان

Loading…

لویه څارنوالي وايي د ولسمشر له امر سره سمې یې د بندیانو دوسیې بشپړې کړي

تاند- لویه څارنوالي وايي چې د پلچرخي د بندیانو دوسیې یې د ولسمشر اشرف غني له لوري له ټاکلي ضرب الاجل سره سمې بشپړې کړي او سبا خپل راپور ولسمشر ته وړاندې کوي.

ولسمشر اشرف غني احمدزي تېره اوونۍ د پلچرخي بند ته لاړ او له بندیانو سره یې د هغوی د ستونزو په اړه خبرې وکړې. ځینو بندیانو ورته وویل چې د دوی د دوسیو د قضايي پروسې په اړه معلومات نه ورکول کېږي او ځینو نورو وویل چې بې دوسیې او بې محاکمې په کګلونو په محبس کې پراته دي.

ولسمشر اشرف غني احمدزي لویې څارنوالۍ ته امر وکړ چې د اکتوبر تر دیارلسمې پوري باید د ټولو بندیانو دوسیې وڅېړي او ده ته یې ر اپور وړاندې کړي.

لویې څارنوالۍ نن /یکشنبه/ وویل چې د پلچرخي محبس د بندیانو د دوسیې څېړل یې بشپړ کړي او اسناد او دوسیې به فوراً ولسمشر ته ولېږي.

د لویې څارنوالۍ ویندوی بصیر عزیزي نن خبریالانو ته وویل:«ولسمشر له لویې څارنوالۍ څخه وغوښتل چې په دې څارنوالۍ کې تر پروسې لاندې دوسیو د شمېر په اړه معلومات ورکړي، څومره دوسیې بشپړې شوي او نهايي شوي، څومره دوسیې ابتدايي او استیناف محکمو ته وړاندې شوي دي.»

د لویې څارنوالۍ ویندوی همداراز وویل:«موږ وتوانېدو چې لیست د ضرب الاجل تر پوره کېدو مخکې برابر کړو او ټول شواهد او اسناد مو راټول کړل څو نن یې ولسمشر ته ولېږو.»

ګڼو خلکو او د ملي شورا غړیو د ولسمشر اشرف غني احمدزي د قاطعیت او له بندیانو سره د عدالت کولو د هڅې هرکلی کړی دی. دوی همداراز د فساد په وړاندې د ولسمشر له لوري ښوول شوې اراده ستایلې ده.

د مشرانو جرګې یوه غړي سناتور امین احمدي وویل:«ما ته د ولسمشر هڅې ډېرې ګټورې او اغېزمنې ښکاري.»

د لویې څارنوالۍ له لوري په یوه اوونۍ کې د بندیانو د دوسیو بشپړېدا ښايي د ډېرو خلکو په ذهنونو کې دا پوښتنې پیدا کړي چې دې څارنوالۍ ولي تراوسه دا کار په اوونیو نه بلکې په کلونو نه شوای کولی؟

12 total views, 2 views today

  1. جنرال حبيب الله جلالزوي Reply

    به نظامي كي كنترول دامر به وخت وزمان سره ضروري اولازم دي . كله جه كنترول موجود وي مكافآت او مجازات منخ ته راخي ،كله جه مكافآت او مجازات منخ ته راشي صورت أجرا او بهبود دكار منخ ته راخي
    دا أصل وسيستم ديوه شه مديريت دي جه ريس جمهور دخبل دكار سر مشق او عمل كر خولي مونز دده موفقيت غوارو.

  2. اسد سمندر Reply

    څارنوال الکو ، د ده ملګرو، موټو وانانو حتی اوسنیو او پخوانیو هلکانو هره ورځ په زرهاو ډالره او په ملیونونو افغانی اخیستلی. اوس وایی جرمنی ته نه ځم د حامد کرزی سره د هغه اټو بیو ګرافی لیکم. پخوانی هلکان یی اوس « با با » بولی
    اسد سمندر

Leave a Reply to جنرال حبيب الله جلالزوي Cancel reply

Your email address will not be published. Required fields are marked *