Categories

اعلان

Loading…

د بلخ ولایت پر امنیې قومندانۍ په برید کې ۲ پولیس او ۲ ځانمرګي ووژل شول

د وروستي راپور پر اساس په دې برید کې دوه پولیس وژل شوي دي.

د بلخ ولایت د امنیه قومندانۍ ویندوی شېرجان دراني وویل چې حمله کوونکي د امنیه قومندانۍ په دوهمه دروازه کې ودرول شول او همالته یې ډزې پیل کړې چې په نتیجه کې یې دوه پولیس ووژل او ۹ نور ژوبل کړل.

دراني وویل چې په نښته کې، چې یو ساعت یې دوام وکړ، دواړه حمله کوونکي هم ووژل شول.

لومړنی خبر

په مزارشریف کې پر امنیه قومندانۍ د ۲ ځانمرګو برید

تاند- دوه ځانمرګي نن غرمه د بلخ ولایت امنیه قومندانۍ ته ننوتل او له پولیسو سره یې وسله واله نښته پیل کړه.

دا په تېرو دیارلس کلونو کې لومړی ځل دی چې وسله وال طالبان د افغانستان د شمال پر یوې امنیې قومندانۍ برید کوي.

د بلخ پولیس وايي، سره له دې چې د دوی توقع نه وه چې په مزارشریف کې به هم طالبان برید کوي، خو هغه دوه ځانمرګي یې وپېژندل چې امنیه قومندانۍ ته یې د ننوتلو هڅه کوله.

د پولیسو د چارواکو په وینا دواړو ځانمرګو د پولیسو یونیفورم اغوستی و.

د پولیسو د چارواکو په وینا جګړې د ماسپښین تر یوې بجې پوري دوام وکړ.

دواړه حمله کوونکي ځانمرګي د پولیسو له لوري وژل شوي خو لږترلږه یې ۱۷ پولیس هم ټپیان کړي دي.

تراوسه پوري د پولیسو د تلفاتو په اړه څه نه دي ویل شوي.

Leave a Reply

Your email address will not be published. Required fields are marked *