Categories

اعلان

Loading…

د نوبل د ادبیاتو جایزه فرانسوي لیکوال وګټله

تاند- په سویډن کې د نوبل اکاډیمي نن اعلان وکړ چې فرانسوي لیکوال پتریک مودیانو د نوبل د ادبیاتو جایزه ګټلې ده.

دې اکاډیمي وویل، دا جایزه، چې ۸ ملیونه سویډني کراونه یا ۱۱ لکه امریکايي ډالره ورسره تړلي دي، مودیانو ته د هنري خاطرو په خاطر ورکړل شوه.

د ادبیاتو دا جایزه سږ کال د نوبل څلورمه جایزه ده چې ورکول کېږي.

پرون د نوبل د کیمیا جایزه دریو ساینس پوهانو دو امریکایانو او یوه جرمني ته ورکړل شوه.

۶۹ کلن مودیانو له دوهمې نړیوالې جګړې دوې میاشتې وروسته د پاریس په لوېدیځه لمن کې زېږېدلی، پلار یې ایټالیايي الاصله یهود او مور یې بلجیمي اکتره ده. د ده مور و پلار لومړی پلا په داسي وخت کې سره ولیدل چې پاریس نیول شوی و.

مودیانو په ۲۰۱۲ میلادي کال د اتریش د ادبیاتو دولتي جایزه ګټلې وه.

13 total views, 1 views today

Leave a Reply

Your email address will not be published. Required fields are marked *