Categories

اعلان

Loading…

پکتيکا: مولوي شهرت الله او مور يې د خپل ماين ښکار شول

د افغانستان اسلامي جمهوريت

د سيمه ييزو ارګانونو خپلواکه اداره

د پکتيکا ولايت مقام د رسنيو دفتر

خبرپاڼه

۱۳۹۳کال د  تلې ۱۴ مه نېټه

     د نېکمرغه لوی اختر په دريمه ورځ مازديګر پنځه بجې د هغه ماين چاودنې له امله چې مولوي شهرت الله پخپله په خپل موټرسايکل کې پټ کړای وو، مولوي شهرت الله او مور يې دواړه ووژل شول

د ترلاسه شويو مالوماتو له مخې مولوي شهرت الله د پکتيکا ولايت د جاني خېلو ولسوالۍ د ګوډلو کلي اصلي اوسېدونکی وو، چې نږدې د شپږو کلونو راهيسې ددې ولايت د بکخيلو ولسوالۍ د شاکيخلو کلی د جومات ملا امام وو، نن د اختر په دريمه ورځ له بکخيلو څخه جاني خېلو ته د اختر مبارکۍ په نوم تللی وو، چې د بيرته راستنېدو پر مهال يې يو ترلاسه کړی ماين غوښتل د امنيتي پوستو او تلاشيو څخه د خپلې مور څخه په ناوړه ګټې اخيستنې خيرکوټ ولسوالۍ ته ورسوي، چې د تګ پر مهال ياد ماين د خيرکوټ ولسوالۍ د مليزو او محمدحسن کليو تر مينځ په دوی پسې وچاودېد او د چاودنې له امله پخپله مولوي شهرت الله او مور يې دواړه ووژل شول.

پکتيکا سرپرست والي محب الله صميم د مولوي شهرت الله دا کړنه يو لوی جنايت او نه بښوونکی عمل وباله او ويې ويل چې هيڅوک هم د خپل ځان او بل وژلو حق نه لري، ښاغلي صميم يو ځل بيا د دولت له وسلوالو مخالفينو وغوښتل تر څو د هر ډول وژنو څخه لاس په سر شي او د سولې لار غوره کړي ځکه هيڅ افغان نه غواړي پدې خاوره کې بل افغان ووژل شي

مخلص افغان

د پکتيکا ولايت وياند

158 total views, 1 views today

  1. د . ا . عثمان . ر Reply

    خدای خبر چې څوځله به یې دا ډول ماینونه راوړي وي. اوس خو د خپلې مور خون هم ور په غاړه شو خدای پاک خو دې داسې کسان هیڅکله هم له دوزخه نه خلاصوي آمین یا رب العالمین

Leave a Reply

Your email address will not be published. Required fields are marked *

۸