Categories

اعلان

Loading…

افغانستان ته د نیویارک ټایمز د خبریال پر راتګ بندیز پای ته ورسول شو

تاند- د نیویارک ټایمز ورځپاڼې هغه خبریال ته اجازه ورکړل شوه چې افغانستان ته راشي چې د ولسمشرۍ د انتخاباتو د جنجال په ترڅ کې یې د کودتا د احتمال په اړه راپور خپور کړی و.

د اسوشیتید پریس خبري اژانس د راپور له مخې د ولسمشر اشرف غني احمدزي یوه نژدې ملګري داوودسلطانزوی نن /یکشنبه/ وویل چې د هیواد لوی څارنوال ته ویل شوي چې د دغه امریکايي خبریال په اړه خپله پرېکړه بېرته واخلي.

د نیویارک ټایمز خبریال متیو روزنبرګ د افغانستان د انتخاباتي جنجال په مهال په یوه راپور کې ادعا کړې وه چې د کرزي د حکومت یو شمېر جګپوړي چارواکي د کودتا په فکر کې دي.

سلطانزوی وویل چې افغانستان ته د متیو روزنبرګ پر راتګ د بندیز د لېري کولو په اړه د اختر په لومړۍ ورځ پرېکړه وشوه. سلطانزوی دا هم وویل چې دوی د انتخاباتي کمپاین په مهال ژمنه کړې وه چې د رسنیو او بیان ازادي ته به بشپړ درناوی وکړي.

روزنبرګ د کودتا په اړه د راپور له خپرولو وروسته لویې څارنوالۍ ته جلب شو خو حاضر نه شو چې د خپل خبر سرچینه په ډاګه کړي. ده د ناڅرګندو چارواکو په قول ویلي و چې که کاندیدان موافقې ته ونه رسېږي یو شمېر وزیران غواړي چې کودتا وکړي او موقت حکومت جوړ کړي.

روزنبرګ، چې ګومان کاوه کرزی د اشرف غني احمدزي ملاتړ کوي، له افغانستانه تر اخراجېدو وروسته د کارلو تګال په مرسته د افغانستان په انتخاباتو کې په درغلیو مفصل راپور خپور کړ او اشرف غني احمدزی یې په درغلۍ تورن کړ.

343 total views, no views today

Leave a Reply

Your email address will not be published. Required fields are marked *

۸