Categories

اعلان

Loading…

عطا محمد نور: د والیانو د بدلون په اړه د حکومت د پرېکړو ملاتړ کوم

تاند- د بلخ والي او د جمعیت ګوند اجرايي رييس عطا محمد نور نن په ارګ کې له ولسمشر اشرف غني احمدزي سره ولیدل.

عطا محمد نور د برهان الدین رباني له زوی صلاح الدین رباني، د ننګرهار پخواني قومندان حضرت علي او یو شمېر نورو قومندانانو سره د ولسمشر اشرف غني لیدو ته لاړل.

دوی ښاغلي غني ته د ولسمشرۍ مبارکي ورکړه او هغه ته یې د بریالیتوب هیله وکړه.

د بلخ والي عطا محمد نور وویل چې افغانستان د خپل تاریخ په یوه نوي پړاو کې دی او هره پرېکړه چې د ملي یووالي حکومت د چارو د ښېګڼې لپاره د والیانو د تبدیلولو یا ټاکلو په برخه کې وکړي، دی به یې ملاتړ وکړي.

1دا په داسي حال کې ده چې عطا محمد نور څو ورځې مخکې ویلي و چې هیڅوک نه شي کولی چې دی د بلخ له ولایته تبدیل یا لېري کړي.

ولسمشر اشرف غني احمدزي وویل چې نوې دوره پیل شوې او د نوي حکومت د بریالیتوب او ولس ته د خدمت لپاره چې هر بدلون راوستل کېږي هغه به د افغانستان د خلکو د سوکالۍ او ښېګڼې لپاره وي.

پرون د اجرايي چارو رييس عبدالله عبدالله په کابل کې د عطا محمد نور کور ته لاړ و او له هغه سره یې مفصلې خبرې وکړې.

ملګروملتو د ولسمشر غني اقدامات وستایل

د افغانستان جمهوري ریاست وايي په هیواد کې د ملګرو ملتونو استازي له ولسمشر اشرف غني احمدزي سره په کتنه کې د ده کاري اراده وستایله.

ارګ په یوه خبرپاڼه کې ویلي، په افغانستان کې د ملګرو ملتونو استازي یان کوبش له ولسمشر اشرف غني احمدزي سره په کتنه کې وویل چې د نوي حکومت د کار په پيل، له امریکا سره د امنیتي تړون په لاسلیک کولو او د کابل بانک قضیې په څيړلو سره د ملګرو ملتونو لخوا ستایل شوی دی.

56 total views, 1 views today

  1. جنرال حبيب الله جلالزوي Reply

    په دي هکله ما مخکي دتاند دلاري په يوه ليکنه کي ويلې وه !
    چه ورځ ئ راشې عطا محمد نور به په خپله په ګوندو کيږې اوخپله پشيمانې به اظهاروې،
    دادی نن ئ په رڼو سترګو دخپلو خبرو نتيجه وينم بيائ هم کور اباد چه پوه شو.په دي هکله ما مخکي دتاند دلاري په يوه ليکنه کي ويلې وه !
    چه ورځئ راشې عطا محمد نور به په خپله په ګوندو کيږې اوخپله پشيمانې به اظهاروې،
    دادی نن ئ په رڼو سترګو دخپلو خبرو نتيجه وينم بيائ هم کور اباد چه پوه شو.په دي هکله ما مخکي دتاند دلاري په يوه ليکنه کي ويلې وه !
    چه ورځئ راشې عطا محمد نور به په خپله په ګوندو کيږې اوخپله پشيمانې به اظهاروې،
    دادی نن ئ په رڼو سترګو دخپلو خبرو نتيجه وينم بيائ هم کور اباد چه پوه شو.

  2. khamosh Reply

    زه د افغانانو په نمایندګی په پوره ډاډ سره دا ویلای شم چی د عطا په شان کسان په دولت کی د کار کولو مستحق نه دي . داسی خلک نه تنها باید د دولتي پستونو څخه لری شي حتی باید د ځمکی د کری ویستل شي . داسی خلک چی تاریخ یی افغان ولس ته په ډاګه دی او د ملت په وینو یی ځانونه میلیاردران کړي باید ژر تر ژر محاکمه شي او د عبرت په ډول داسی سزا ورکړل شي چی آینده نسلونه هیځ کله هم داسی جرت ونه شي کړای چی د خپل ملت سره خیانت وکړي .. با اخترام
    “خاموش “

Leave a Reply

Your email address will not be published. Required fields are marked *