Categories

اعلان

Loading…

د تعصب د لاملونو، زیانونو او حللارو په هکله د ډاکتر زغم لکچر

 د روشنګرۍ په پروګرام کې ډاکټر محب زغم د تعصب، لاملونه، زیانونه او حللارو په هکله لکچر ور کړ.

ډاکټر محب زغم ، تعصب هغه وار دمخه قضاوت وباله، چې د اصلي واقعیت مخکې د یو شي، قضیې او مسلې په هکله فیصله وکړو.

ډاکټر زغم د تعصب موارد ژبه، قوم، توکم، مذهب، ایډیالوژۍ، جنس، عمر، ټولنیزې طبقې، جنسیت او ملت یاد کړ او ویې ویل، چې تعصب د مفکورې په لحاظ هم را منځته کېږي.

ښاغلی زغم د تعصب د زیانونو په اړه وویل:

۱انسان محدود ساتې

۲- اهدافو ته د رسېدو مخینوی کوي.

۳- کرکه او نفرت زیاتوي.

۴- يه اجتماعي ژوند کې انسان وروسته پاتېږي.

۵- په اروایي لحاظ انسان ناآرامه وي.

۶- د خپګان او شخصیت د کمزورۍ سبب ګرځي.

۷- ټولنیزي اړیکې ضعیفوي.

۸- له تمدنه انسان لیرې ساتې.

1ډاکټر زغم لاندې موارد وښودل چې يه عملي کولو یې تعصب له منځه وړل کېږي:

۱د نورو د بدو په مقابل کې صبر.

۲- په واقعیت ځان پوهول.

۳- یو بل منل.

۴- تعلیمي نصاب کې مثبت تغییرات راویستل.

۵- د ټولنې د مختلفو اقشارو سره د راوبطو زیاتول.

۶- ګډ هدف لرل.

۷- د اجتماعي بحثونو زیاتول.

۸- کورنۍ روزنه.

۹- عامه پوهاوی.

۱۰- د منفي قضاوتونو څخه ډډه کول.

استاد زیاته کړ، چې ادبیات د تعصب په له منځه وړلو کې تر ټولو ستر رول لوبوي.

په وروستیو کې د لکچر ګډونوالو د تعصب په اړه خپل نظرونه، تجربې، تبصرې وړاندې او له ډاکټر زغم څخه یې پوښتنې وکړې، چې د زغم له خوا ځوابونه ورته وویل شول.

په نننۍ روشنګرۍ پروګرا م کې په هلمند کې د بدلون اونیزې او ډاکټر محب زغم ته د ځوروونکي ناول د چاپدا مبارکې هم وویل شوې، پاته دي نه وي چې د روشنګرۍ لکچرونه هره پنجشبنه په کابل کې تر سره کېږي،په کندهار او هلمند کې هم دا لړۍ روانه ده او پلان شته چې د لکچرونو دا لړۍ د هېواد ګوټ- ګوټ ته ورسول شي.

راپور: عصمت بهیر

16 total views, 1 views today

Leave a Reply

Your email address will not be published. Required fields are marked *