Categories

اعلان

Loading…

د ایساف ځواکونو په هوايي برید کې د مشهور قوماندان لعل محمد په ګډون ۸ تنه وسلوال مخالفین ووژل شول

تیر مازیګر ناوخته د الیشنګ ولسوالۍ اړوند د شمکټ درې د چاناک کلي او وزبین تر منځ په غرنۍ سیمه کې د مخالفو وسلوالو پر یوې ډلې چې د ایساف ځواکونو تر څارنې لاندې وه، د یادو ځواکونو له لوري هوايي برید شوې چې د مشهور قوماندان لعل محمد په ګډون په کې اته کسه وسلوال مخالفین وژل شوي دي.

په وژل شویو کسانو کې پرته له قوماندان لعل محمد څخه چې اصلا د چاناک اوسیدونکی دی، پاتې اووه کسان ټول د سروبي ولسوالۍ اړوند د وزبین د سیمې اوسیدونکي دي.

د یادولو ده چې قوماندان لعل محمد سربیره پر شمکټ درې په سایګل، بادپښ، وزبین او نورو ډېرو سیمو کې په ورانکارو او تروریستي فعالیتونو کې لاس درلود.

263 total views, no views today

Leave a Reply

Your email address will not be published. Required fields are marked *

۸