Categories

اعلان

Loading…

د غزني د قره باغ په نښته کې ۴۰ وسله وال طالبان وژل شوي

تاند- په غزني کې چارواکي ادعا کوي چې افغان امنیتي ځواکونو په هغه جګړه کې، چې تېره شپه د دغه ولایت په قره باغ ولسوالۍ کې پای ته ورسېده، شاوخوا ۴۰ وسله وال طالبان وژلي دي.

د چارواکو په وینا جګړه وروسته له دې ونښته چې طالبانو د دې ولسوالۍ پر امنیتي پوستو حملې پیل کړې او دوې شپې او یوه ورځ یې دوام وکړ.

طالب وسله والو له وړمې شپې راهيسې د غزني په قره باغ ولسوالۍ کې د امنیتي ځواکونو پر پوستو پراخ جبهه يي بريدونه پيل کړي وو.

د چارواکو په وینا طالبانو غوښتل چې د قره باغ ولسوالي مرکز ونیسي او د دې هدف لپاره یې له نورو ولسوالیو هم جنګي کسان راوستي ول.

په قره باغ کې د سيمه‌ ييزو پوليسو قومندان محمد اعظم خان وايي چې طالبانو ته ځکه زیاته مرګ ژوبله واوښته چې دوی د طالبانو د برید له پلانه مخکې تر مخکې خبر شوي ول.

چارواکي همداراز ادعا کوي چې په وژل شويو طالبانو کې د ملا محب په نامه د دوی يو قومندان هم شامل دی. دوی وايي چې اکثره وژل شوي طالبان وزیر او پنجابيان شامل دي.

امنیتي ځواکونه په دې جګړه کې د درو سیمه ییزو پولیسو وژل کېدا هم تاییدوي.

سیمه ییزو پولیسو په غزني په تېره بیا قره باغ کې تر ډېره امنیتي وضعیت ښه کړی دی.

10 total views, 1 views today

Leave a Reply

Your email address will not be published. Required fields are marked *