Categories

اعلان

Loading…

جناب ډاکټرعبدالله ته دي ورسېږي/ محمدیار یار

محترم ډاکټر صاحب عبدالله- عبدالله!

سلامونه او د شهید اونۍ د درنښت په باب مبارکي درته وړاندې کوم!

او ستا د یو هموطن او کشر ورور په صفت د شهید لمانځنې د مراسمو له ننني نه منونکي وضعیت سره په رابطه کې مو پام یو څو ټکو ته را اړوم.

ښاغلی ډاکټر صاحب!

تاسو د کومو خلکو د رایو د دفاع لپاره ځان ستړی- هلاک ګرځولی دی؟ د هغو خلکو چې نن د لويي جرګې په خیمه کې د شهید د مقام، خاصتاً د احمد شاه مسعود د لمانځنې، ځلونې او پېژندنې لپاره راټول شوي ول؟

دا ډېره مهمه نقطه ده!

نن د مقدس شهادت د تجلیل په خیمه کې راټول شوي خلک طبعاً د هغو پراخو پرګنو له منځه را انتخاب شوي، نخبګان او شعوري انسانان ول، چې تا ته یې پاکې رایې درکړي او تا د دغو رایو د حرمت ساتنې لپاره، هم له دوو ټاکنېزو کمیسیونو سره ځان مواجه کړ، هم له حکومت سره؛ هم د ملګرو ملتو په مخ کې ودرېدې، هم د امریکا؛ هم د کورنیو او نړیوالو قوانینو په نقض متهم شوې، هم بحران ته د افغانستان په ور ټېل وهلو.

زه دا ادعا نه کوم چې ته پر ناحقه وې او ستا رقیب پر حق؛ که بالفرض ټوله دنیا ستا خبره در سره ومني خو، دا ټول فشارونه، تشویشونه او بدنامۍ د څه لپاره؟ او د چا لپاره؟

آیا دغه نن د لويې جرګې د خیمې د نخبګانو لپاره؟

هغوی چې نه یې ستا رهبرۍ، ستا ستړیاوو، ستا مقاومت او ستا مبارزې ته وکتل او نه یې ستا د حرمت او عزت خیال وساتی.

جناب ډاکټر صاحب!

جدي توجه مو غواړم!!!

تېرکال هم زما یاد دي، زه د کابل تعلیم او تربیې پوهنتون محصل وم، د شهید اونۍ په مناسب هلته غونډه وه، هغې غونډې ته هم تاسو خپل خپګان څرګند کړ، په هغه اونۍ کې هم په ښار کې د امیر صاحب شهید د لمانځنې د مراسمو په ترڅ کې چې کوم تکلیفونه خلکو ته ورسېدل، ستاسو لپاره د منلو نه ول، تاسو وویل چې، دغه ډول کړنې د امیرصاحب احمدشاه مسعود له اهدافو، ارمانو او اخلاقو سره په تناقض کې دي او نن هم په پر شکوهو مراسمو کې مخامخ هیچا نه ستا او نه هم د امیرصاحب شهید ورور جناب احمدولي مسعود عذر و زاریو ته غوږ ونیاوه؛ هم یې ستا، هم یې د جهاد، مقاومت او شهادت مقام او هم یې د قهرمان ملي شان ته نه جبرانېدونکې صدمه ورسوله.

آخیر، دنیا او دښمنان به وایې چې دغه خلک د کوم ‌ډول سیاسي طرزتفکر په مکتب او د کوم قسم اخلاقو په مدرسه کې روزل شوي مسلمانان او مجاهدین دي، چې د الله اکبر د اسمان لړزوونکو شعارو په بدرګه سره د خپلو مشرانو او خپلو ارزښتونو د سپکاوي تماشې ته دنیا رابولي او هغه هم په خورا بېساري عجایب او حیرانوونکي ډول سره.

دروند ډاکټر صاحب!

که ستاسو او د جهاد د معززو رهبرانو د پیروانو او نخبګانو، په دغسې یوه فرصت کې دغه حال وي، نو که تاسو د دوی په خاطر او د دوی په دغسي زور سیاسي قدرت تر لاسه کړئ هلته به د دوی په وجود کې هغه سترې ملي چارې څنګه سمبال کړای شې؟ چې په یوه خیمه کې مو خپل غږ ور و نه رسولای شوای نو د سراسر افغانسان په ګوټ-ګوټ کې به یې څنګه کنټرول کاندئ؟

آیا نه بېرېږئ چې د خپلو دغه ډول یارانو په ملتیا به د مطلقې بدنامۍ او تباهۍ تاترین ته، خدای مکړه، ور ولوېږئ؟

محمدیار- یار

۱۳۹۳/۶/۱۸

228 total views, 3 views today

5 comments

  1. جنرال حبيب الله جلالزوي Reply

    جناب محترم داکتر صاحب عبدالله جان ؟
    نامه ارسالی که نویسنده ان يک افغان اما پشتو زبان با چه احترام وکلمات شایسته ومو دبانه راز دل خودرا به شما شريک ميسازد ودرد دل ميکند بر عکس طرفدارای شما چه لجاجت نه بود که نه کرد .
    هيله مند يم يوه لحظه خپل سر , خپل ګريوانته شکته کړه محکمه داير او خپل وجدان محاکمه کړه اول خپل ځان محکوم کړه بیا دی خپل بی سواده ملګري او وطنداران محاکمه کړه بیا دليکوال پاک وجدان ته وګوره چه په هر حالت تا دځان خخه جدا نه بولی خپلی واقعی هيلی ديوی نامی په ذريعه ستا حضور ته رسوی او په نيک نظر ستا توجو دنن ورځی واقيعاتو ته جلبوی او اصلآحی جنبه در خخه غواړی،.
    فکر وکړه اوپه سالم او ارام مغز تصميم ونيسه. که وروری او افغانيت دی خو همدا ده

  2. shahed Reply

    نیش زدن گژدم نه از پی کین است ـ— بل سرشت فطرتش همین است

  3. ودان Reply

    ګیله له دوسته کېږي او داسې ښکاري چې لیکوال له دې خلکو سره دوستي لري او یا يې پيلوي خو باید پوه شي چې پردي راوړي نه خپلېږي

  4. شيشک Reply

    ليکوال صيب احساس مو د قدر وړ دی خو اوښان په تنبور نپوهيږي که هر څومره تکړه نوازنده يی هم ورته وشرنګوی اوښ ته يوه خبره ده

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2