Categories

اعلان

Loading…

جان کیري له افغان کاندیدانو وغوښتل چې د تفتیش نتیجه ومني

تاند- د امریکا د بهرنیو چارو وزیر جان کیري نن د افغانستان د ولسمشرۍ له دواړو کاندیدانو سره په جلا -جلا کتنو کې له هغوی وغوښتل چې د جون د ولسمشرۍ د انتخاباتو پر سر لانجه پای ته ورسوي، د ټولو رایو د تفتیش نتیجه ومني او د سپټمبر تر لومړیو پوري د ملي یووالي حکومت جوړ کړي.

د هغو امریکايي چارواکو په وینا چې د امریکا له بهرنیو چارو وزیر سره د کابل په سفر تللي، جان کیري له دواړو کاندیدانو اشرف غني احمدزي او عبدالله عبدالله وغوښتل چې د سپټمبر په څلورمه د ناټو تر سرمشریزې وړاندې د یوې حل لارې د موندلو فوري توب درک کړي.

د بریتانیا په ویلز ایالت کې د ناټو په راتلونکې سرمشریزه کې د غړیو هیوادونو مشران هبله لري چې د روان کال له پای ته رسېدو وروسته په افغانستان کې د خپلو هیوادونو د رول په اړه پرېکړه وکړي.

1ښاغلي کیري له ډاکتر اشرف غني احمدزي سره په کتنه کې

له جان کیري سره ملګرو چارواکو وویل چې د افغانستان د انتخاباتو په پایله کې غوره شوی ولسمشر به د ناټو په سرمشریزه کې د افغانستان له لوري ګډون وکړي.

جان کیري په داسي حال کې افغانستان ته سفر کړی چې د افغانستان د ولسمشرۍ د دوهم پړاو انتخاباتو رایې تر ترتفتیش لاندې دي. سره له دې چې د رایو په شمېرلو کې د یوه کاندید د ناغېړیو له کبله څو ځلي ځنډ او خنډ پېښ شو خو اوس دا بهیر دوام لري مګر لا هم څرګنده نه ده چې د تفتیش په پای کې به دواړو خواوو ته نتیجه د منلو وي او که نه وي.

1جان کیري له عبدالله عبدالله سره خبرې کوي.

د امریکا د بهرنیو چارو وزارت وايي چې له اشرف غني احمدزي او عبدالله عبدالله سره د جان کیري په تېرو خبرو کې درې خواوو موافقه کړې وه چې بایلونکی کاندید به اجرايي ريیس کېږي. اجرايي ريیس به، چې تراوسه پوري په دې نوم کومه چوکۍ نشته، د ولسمشر ترلاس لاندې وي او ولسمشر ته به ځواب وايي.

خو که دوه کاله وروسته د افغانستان لویې جرګې په اساسي قانون کې بدلون راوست، د اجرايي چارو د ریاست چوکۍ په صدرارت بدلېدای شي.

د راپورونو له مخې عبدالله عبدالله په خپله نه غواړي چې اجرايي ریاست ومني. دی هڅه کوي چې دا چوکۍ یونس قانوني ته ورکړای شي او په خپله د اپوزیسیون مشر وي. خو د اشرف غني احمدزي انتخاباتي ټیم وايي چې د عبدالله ډله باید یا په واک کې شریک شي یا اپوزیسیون ومني.

د متحدو ایالتو نو د بهرنیو چارو وزارت وايي چې تراوسه پوري له ۲۳۰۰۰ رایبکسونو څخه ۲۴۰۰ شمېرل شوي دي.

238 total views, 1 views today

  1. Gul Reply

    سلام وطنوالو!
    له دانتخاباتو حًخه دبسوگى واده جورشو دملى يوالى اويابل حكومت چى په هرنوم يي يادوى نه دافغانانوغوشتنه وه اونه يي افغانان منى. احمدزى صاحب دى واده ته دپاى تكى كيژدى او كيرى ته دسپينه خبره وكرى چى دملت اراده ماته دامريكا له هيلى اوآرزو حًخه لوره ده .
    موژدامريكاله كمك پرته ژوند كرى او ژوند به وكروو موژ داسى كمك ته اره نه لرو چى پاكستانيان مو وژنى او دوى برگى ستگى ورته گورى او د ديورند كرشه په رسميت پژنى او پاكستان له افغانستانه ورته اهميت لرى. مننه

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2