Categories

اعلان

Loading…

د یوې اویا کلنې ښځې په ګډون ۱۱ تنو ته مرګ ژوبله واوښته

د امنیتي ارګانونو د معلوماتو له مخې، د میدان وردګو ولایت په جلریز،نرخ او سیداباد ولسواليو کې د بېلابېلو پېښو په ترڅ کې ۲ ملکي وګړو،دوه پولیسو او ۷ وسله والو مخالفینو ته مرګ ژوبله اوښتې ده .

د سیداباد ولسوالۍ په سي سي سیمه کې وړمه شپه وسله والو طالبانو د یوه سیمه ییز پولیسو پر کور برید کړی،چې له امله یې د هغه ۷۰ کلنه مور په شهادت رسولې او ۱۴ کلن زوی یې ټپي کړی دی .

همدا راز د یاد سیمه ییز پولیس لخوا پر وسله والو طالبانو ډزې شوي،چې له امله یې یو وسله وال طالب وژل شوی او دوه نور ټپیان دي .

د یو بل خبر له مخې امنیتي ځواکونو د چک په مندوخیلو او د نرخ ولسوالۍ په خانجان خیلو سیمو کې د بېلابېلو عملیاتو په ترڅ کې ۴ وسله وال طالبان وژلي او ګڼ شمېر مهمات یې کشف او ترلاسه کړي دي .

په ورته وخت کې په جلریز ولسوالۍ کې د وسله والو مخالفینو په برید کې دوه سیمه ییز پولیس ټپیان شوي،چې دا مهال تر درملنې لاندي دي .

عطاالله خوږیانی

د میدان وردګو ولایت ویاند

34 total views, 1 views today

Leave a Reply

Your email address will not be published. Required fields are marked *