Categories

اعلان

Loading…

پاکستان له افغان طالبانو د پاکستاني طالبانو پرضد د اقدام غوښتنه وکړه

تاند- پاکستان یو وار بیا له افغان طالبانو په کلکه وغوښتل چې هغه پاکستاني طالبان له منځه یوسي چې د پاکستان د حکومت پرضد جنګېږي او په افغانستان کې پناهځایونه لري.

پاک تریبیون ورځپاڼې لیکلي، باوري سرچینو وویل چې پاکستان په اسلام اباد کې د افغانستان سفارت ته هم خپل سخت اعتراض رسولی او ورته ویلي یې دي چې د پاکستاني طالبانو هغه مشران وروسپاري چې په افغانستان کې یې پناه اخیستې ده.

د دې ورځپاڼې د راپور له مخې په جلال اباد او کابل کې د پاکستان دیپلوماتیکو مرکزونو هم افغان چارواکو ته د پاکستان اعتراض رسولی دی.

خو په همدې منځ کې د پاکستان د حکومت سرچینې وايي، د کونړ او نورستان هغه سیمې، چې ملا فضل الله او نور پاکستاني طالب مشران پکې اوسي، تر ډېره د افغان طالبانو په کنټرول کې دي او د افغانستان ملي پولیس او ملي اردو هلته حضور نه لري.

د پاک تریبیون ورځپاڼې له لیکنې سره سم، د پاکستان حکومتي سرچیمې په عین حال کې باور لري چې د افغانستان د ملي امنیت ځیني عناصر د پاکستاني طالبانو ملاتړ کوي. د دوی په وینا د افغانستان استخباراتي عناصر پاکستاني طالبانو ته د پیسو او مهماتو مرسته ورکوي.

پاکستان په ځلونو له افغانستانه غوښتي چې په خپله خاوره کې د پاکستاني طالبانو پرضد اقدام وکړي.

پاکستان دغه راز له افغان طالبانو غوښتي چې له هغو سیمو پاکستاني طالبان وباسي چې د دوی تر کنټرول لاندې دي. البته پاکستان له افغان طالبانو یوازې د هغو پاکستاني طالبانو د ایستلو غوښتنه کړې چې د پاکستاني پوځیانو پر ضد جنګېږي.

تېره میاشت د وسله والو طالبانو په بریدونو ۲۰ پاکستاني پوځیان ووژل شول. پاکستان ادعا کوي چې د دوی په ځوابي بریدونو کې ۵۰ طالبان وزل شوي دي.

453 total views, 1 views today

  1. DR. ASIL SAMIM Reply

    اوس به د افغانی طالبانو پته لګیږی چی دوی د الله (ج) او د خپل هیواد لپاره جهاد کوی او که د پردو (پاکستان) د ګټو لپاره جنګیږی
    که افغانی طالبان پاکستاتی طالبان پاکستان ته په لاس ورکړی نو د اسلام ،جهاد او سره به یی ستره جفا وی

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2