Categories

اعلان

Loading…

محور ورځپاڼه: جان کیري د افغان کاندیدانو د ایتلاف هڅه کوي

ولسمشر کرزي په داسې مهال د انتخاباتي کړکېچ د هواري لپاره د ملګرو ملتونو له طرحې سره موافقه کړې، چې یو انتخاباتي کمپ د امریکا د بالفعل مداخلې لاره هواره کړه. دغه پرېکړه چې ۴۳ سلنه رایه بیا پکې شمېرل کېږي، کولای شي، د جان کیري سفر ترسیوري لاندې راولي.

په سیاسي کړیو کې د امریکا مداخلې ته په ښه سترګه نه کتل کېږي؛ امریکا هم په عین وخت کې چې د دواړو لوریو ترمنځ د ایتلافي ‌حکومت غوښتونکې ده او د اجرایوي مشر څوکۍ ایجادول غواړي، بل غوراوی یې د موقت حکومت جوړېدل دي.

عبدالله عبدالله هم د ملګرو ملتونو پیشنهادي طرحه رد کړې او هم یې د ټيم ځینو مشرانو د موقت حکومت رامنځ ته کېدو وړانديز د واک پرسر د کړکېچ حل ګڼلی دی.

اوس د افغانستان د انتخاباتو پرسر راولاړ شوی کړکېچ خپل اصلي رنګ څرګندوي، د انتخاباتو مخکښ کاندید اشرف غني‌ که په وروستیو پایلو کې هم ګټونکي‌ وي، نو د ایتلافي ‌حکومت په هکله په انکار سره یې خپل سیال لوری مایوسه کړی دی. بل لورته د همپالنې ډله چې د موازي حکومت د اعلانېدو ګواښ کوي، په داسې برید ولاړه ده، چې د اشرف غني‌ تر بري‌ حتی د موقت حکومت جوړېدل یې د سیاسي حیایت په خیر دي.

د عبدالله عبدالله د کیڼ لوري مرستیال ويلي‌، دوی تیار دي، چې که بله حل لاره ونه مومي‌ موقت حکومت ته تن کېږدي، دا غوښتنه کولای شي، په واک کې ددوی ونډه یوار بیا د بن په څېر زیاته زبات کړي، ځکه چې دوی لاهم په دولت او هم اپوزیسیون کې غښتلې ونډه لري.

روسیه او ایران چې ظاهراً‌د ټاکنو د مشروعیت ملاتړ کوي، د پردې ترشاه د لوبې په زوال کې یې لاسونه د شک وړ دي، بل لور ته امریکا هم د انتخاباتو د لوموړیو ورځو په نسبت د دریځ بدلیدو په حال کې ښکاري. امریکا د ځانګړي استازي څرګندونې چې وايي، ایتلافي حکومت ته د افغانستان د وحدت ضرورت دی، د افغانستان په ټاکنو کې د امریکا د مداخلې ډول واضح کوي.

د امنيتي تړون پرسر د افغان دولت احتياطي دريځ راهیسې امریکا هڅه کوي، د کرزي رول په ډېرو سیاسي ډګرونو کې وننګوي، یو له دې ټولو د واک د انتقال لپاره د کرزي‌ ټينګار دی، چې وايي، د اسد په یوولسمه به واک منتخب ریيس جمهور ته سپاري. امریکا هڅه کوي، له یوې خوا ولسمشر کرزي ته سرخوږی جوړ کړي او له بلې خوا دداسې یو حکومت په جوړولو افغان لوري‌ مجبوره کړي، ‌چې د مشروعیت له اړخه په امریکا تکیه ولري.

په داسې حال کې چې وروستۍ ناامنۍ ناڅاپه او په مصنوعي ډول رامنځ ته شوې او د افغانستان د راتلونکې په اړه د نړیوال تضمین د کاواکۍ یو زېګنال دی، له بل لوري افغان انتخابات هم خپل طبعي مسیر نه طی کوي. ډېری نړیوال لاسونه د انتخاباتو په پایله کې د یو ایتلافي حکومت د جوړیدو لپاره بوخت دي، چې په ترڅ کې یې د افغانانو د رایو اغیز د دغه سنتي ‌هېواد په سیاست او برخلیک ټاکنه کې له اهمیت څخه غورځولی دی.

ډېری کتونکي د شمالي ټلوالې د مشرانو ګواښونو ته له بیرون څخه د سازمان شوي جریان په سترګه ګوري، چې له واکه لرې نشي او په راتلونکو پنځو کلونو کې هم د افغانستان په سیاسي ټولنیزو فیصلو کې د ځینو بهرنیو استخباراتي کړیو د غوښتنو استازولی وکړي.

څارونکي وايي، د امریکا مداخله د ۲۰۰۹ کال په څیر ده، ګټونکی اړخ ترهغې کچې ترفشار لاندې راولي، چې هم یې مشروعیت ستونزه ولري او د امریکا غوښتنې د کاندید د بري تعامل شي. دغه څارونکي وايي، د امریکا له خوا د پیشنهاد شوي ایتلافي حکومت یوه لویه نیمګړتیا داده، چې د اجرايوي مشر ( چيف اېکزکټیو)‌څوکۍ د جوړیدو غوښتنه یې بیا راپورته کړې ده او د کرزي په شان به نوی ولسمشر د هغې د مخالفت لپاره قاطع مقابله ونکړای شي.

20 total views, 1 views today

  1. Gul Reply

    سلام په تولو
    زه فكر نه كوم چى ايتلافى حكومت دى جور شي اودا مشكل به پرى حل شي بل لورى ته احمدزي چه لاپه خوايي هم ويلى وه چى بزكشي ته هم تيار يم له عبدالله حًخه په افغانساتن او هم په نرى كى دير طرفداران لرى دوى كه بينظمى ته لاس وركر نو دعبدالله حًاى به له كولاب نه هم اخواوي امريكا نه غوارى دافغانستان دخلكو دارادى په مخ كى ودريژى لكه روسان چى ودريدل او بل داچه تنها امريكا يان په افغانستان كى دهـرحًه صلا حيت هم نه لرى او امريكا هـم هغه اقتصادى اوسياسى وزن له لاسه وكرى كوم چى له ٢٠٠١ نه اخوادرلود تا سي به اوريدلى وى چه كيرى له چين حًخه افغانستان ته راغي او چينايانو هـم ورنه ويلى چه بزكشي ته تيار يو او كيرى سولى خبرى كولى بل داچه نرى وال دانتخاباتو غوشتونكى دى دا يوه سياسي لاره او دخلكو اراده ممثله كوى دريم داچى اباما وويل دافغانستان داساسي قانون په چوكات كى او دانتخاباتو دكمسيون دفيصلى انتطازاربه كوو او دا خبره روسانو چينايانو ملگرو ملتنو هند او ديرو نورو هيوادونوهـم كرى دا په دى معنا چى تنها دامريكا يانو په خوشه به نه كيژى بلكه تو لى نري خپل اواز دامريكا له لاودسپيكر حًخه را پورته كرى او ماشوم عبدالله پرى ارامه وى

Leave a Reply to Gul Cancel reply

Your email address will not be published. Required fields are marked *