Categories

اعلان

Loading…

 د ۳ قوماندانو او یوې میرمنې په ګډون ۶تنو ته مرګ ژوبله واوښته

د میدان وردګو ولایت په مرکز میدان ښار او چک ولسوالیو کې تېره شپه د بېلابېلو عملیاتو په ترڅ کې د وسله والو طالبانو درې قوماندان ووژل شول او دوه نور ټپیان شول،همدا راز د مخالفینو له لورې د توغول شوي توغندي د لګیدو له امله یوه میرمن شهیده شوې ده .

د چک ولسوالۍ په خواجه عمري سیمه کې امنیتي ځواکونو عملیات ترسره کړي،چې په ترڅ کې د وسله والو طالبانو درې سیمه ییز قوماندان وژل شوي او همدا راز د دوی یو کرولا ډوله موټر هم لمنځه تللی دی .

همدا راز د مرکز میدان ښار په تورخیلو سیمه کې امنیتي ځواکونو د عملیاتو په ترڅ کې دوه وسله وال طالبان ټپیان شوي دي .

همدا راز د دغه عملیاتو په ترڅ کې د وسله والو مخالفینو څخه امنیتي ځواکونو ته یو زیات شمېر مهمات،چې په کې ماینونه،چاودیدونکې توکې،شارټ کوونکې لاینونه،د توپ مرمۍ،د کلاشینکوف مرمۍ او لاسي بمونه شاملي دي،هم په لاس ورغلي دي .

د یو بل خبر له مخې د چک ولسوالۍ په علي همت سیمه کې د وسله والو مخالفینو له لوري پر یو کور د توغول شوي توغندي د لګیدو له امله یوه میرمن په شهادت رسیدلې .

عطاالله خوږیاڼی

د میدان وردګو ولایت ویاند

47 total views, 1 views today

Leave a Reply

Your email address will not be published. Required fields are marked *