Categories

اعلان

Loading…

د پاکستاني طالبانو یوې ډلې له خلکو وغوښتل چې افغانستان ته هجرت وکړي

تاند- د پاکستاني طالبانو یوې غښتلې ډلې اعلان وکړ چې نور به افغانستان ته جنګیالي نه لېږي او د دې پرځای به ټول وسایل او امکانات د وزیرستان دفاع ته متمرکز کوي.

د حافظ ګل بهادر په مشرۍ د شمالي وزیرستان د مجاهدینو شورا پر وزیرستان د پاکستان د پوځ له بې رحمانه بمباریو او د زرګونو خلکو له بې ځایه کېدو وروسته له خلکو وغوښتل چې د ضرورت په صورت کې افغانستان ته هجرت وکړي.

د شمالي وزیرستان د مجاهدینو شورا په یوه اعلامیه کې ویلي:«د باوري معلوماتو له مخې حکومت د عملیاتو د کولو پرېکړه کړې ده. موږ پر تاسو خلکو د حکومت نور ظلم نه شو زغملی نو تاسو د وزیرستان خلک د جون تر لسمې مخکې د خپلو کورنیو غړي، ماشومان او ښځې  خوندي ځایونو ته یوسئ ځکه چې (د پاکستان د پوځ) د عملیاتو په ترڅ کې خلکو کډې بار کړې، په یاد لرئ چې د حکومت له لوري د اغېزمن شویو کسانو لپاره جوړو شویو کمپونو ته د دې لپاره لاړ نه شئ چې هلته به مو نه دین ساتلی وي، نه ایمان، نه غیرت او نه عزت.»

د مجاهدینو شورا د وزیرستان له خلکو غوښتي چې د پاکستان د حکومت کمپونو ته د تګ پر ځای افغانستان ته لاړ شي.

«داسي لور ته لاړ شئ چې له هغه ځایه د اړتیا په صورت کې افغانستان ته هجرت اسانه وي لکه دته خېل.»

د شمالي وزیرستان د مجاهدینو شورا، چې مشر یې پخوا د پاکستان له حکومت سره د سولې تړون لاسلیک کړی و او د تحریک طالبان پاکستان د نورو ډلو په شان یې د حکومت پرضد فعالیت نه کاوه، په خپله خبرپاڼه کې ویلي چې د پاکستان له حکومت سره یې تړون پای ته رسېدلی دی.

د شمالي وزیرستان د مجاهدینو شورا له خلکو غوښتي چې د وزیرستان د ننګ او غیرت لپاره له دوی سره لاس یوکړي او د جون تر لسمې پوري د دوی له لیکو سره یوځای شي.

دې ډلې ټینګار کړی چې له دې ایسته به افغانستان ته ځواکونه نه لېږي او خپل ټول قوت به د پاکستان د پوځ پر ضد کاروي.

17 total views, 3 views today

  1. ماچوگل Reply

    وزيرستان مظلومه دافغانستان ولس ستاسي
    راتگ ته انتظار دي تاسي زمونگ خپل مت او وزر يي
    خپل افغان ورونه به لتاسو سره د خولي مري بيله كرو
    پدي زانته هيس د شرم او پرديتوب احساس ونكري
    ستاسو د راتگ په هيله

  2. zia Reply

    i love he ..the right person ..we all wazirastani will crushed this army

  3. Zek Pakhtoon Reply

    پخیر دی راشی مونږ ورته سترګې په لار یاستو څو د خپلو مهاجرینو ورڼو په ورین تندی پالنه وکړو. الله د ناپاک پوځ سره له خپلو ملیشو نیست او نابود کړی

Leave a Reply to ماچوگل Cancel reply

Your email address will not be published. Required fields are marked *