Categories

اعلان

Loading…

په انقره کې د افغان کډوالو د احتجاج ۷ اوونۍ پوره شوې

تاند- په ترکیه کې د یو شمېر افغان کډوالو د احتجاج اوومه اوونۍ پوره شوه. دوی غوښتنه لري چې غوښتنلیکونه دې یې په عادلانه او مناسب ډول وڅېړل شي.

حو تنه احتجاج کوونکي کډوال وايي چې د دې لپاره یې خولې ګنډلي دي چې د اعتراض ږغ یې واورېدل شي او چارواکي د دوی د قضیې په وړاندې بې تفاوتي پای ته ورسوي.

شپږ تنو خولې ګنډلي، نه خواړه حوري او نه اوبه څښي

شپږ تنو خولې ګنډلي، نه خواړه حوري او نه اوبه څښي

د ترکیې د حریت ورځپاڼې د راپور له مخې شاوخوا ۱۰۰ تنه افغان کډوالو، چې نیمايي یې ښځې او ماشومان دي، په انقره کې د ملګروملتو د کډوالو د لویې کمیشنرۍ د دفتر مخته کمپ درولی، او د پولیسو له خبرداریو سره سره له کمپه نه وځي.

شاوخوا شپږ تنو کډوالو له یوې اوونۍ راهیسي لوږتړ کړی، دوی خپلې خولې ګنډلي او اوبه هم نه څښي.

یوه افغان اعتراض کوونکي فرزاد شفیعي وویل، ملګروملتو د دوی پر غوښتنلیکونو کار په دې نوم بس کړی چې درېمګړی هیواد نه غواړي چې افغان کډوال ومني.

ده همداراز وویل:«دوی (ملګروملتو) حتي ویلي چې که موږ له لوږې مړه هم شو، هیڅ به ونه کړي او دا یې هم راته ویلي چې که موږ د نه خوړولو احتجاج ته دوام ورکړو بیا خو بالکل هیڅ اقدام نه کوي.»

شفیعي حریت ورځپاڼې ته ویلي :«موږ د ملګروملتو مامورینو ته وویل چې که نن شپه له کمپه ووځو او احتجاج بس کړو نو ایا تاسو به زموږ پر غوښتنلیکونو غور پیل کړئ او کنه؟ هغوی ځواب را نه کړ.»

ویل کېږي چې ملګروملتو افغان کډوالو ته دا هم ویلي چې هیڅ هیواد نه غواړي چې نور افغان کډوال ومني، دوی د افغانانو په ځای د نورو هیوادونو مهاجرو ته لومړیتوب ورکوي.

د ملګروملتو د کډوالو د لویې کمیشنرۍ یوه مامور په انقره کې احتجاج کوونکو افغانانو ته ویلي چې له تېرو ۴۰ کلونو راهیسي افغانان مهاجرت کوي، نور افغانان زیات اړ نه ښکاري د دوی پر ځای سوریه وال د پناه زیات مستحق ګڼل کېږي.

57 total views, 2 views today

  1. انجینیر فیض احد فیضی Reply

    دغه افغانان چه خپلی خولی یی ګنډلی دی اوخپل تحصن ته یی ادامه ورکړی ده ولی خپل وطن ته نه راځی دغو دبهر تږو افغانو هم خپل اوهم دوخپل وطن نوم په نړیواله سطحه باندی وشرماوو زه دیوافغان په صفت دملګروملتونو دکډوالو له کمشنری څخه داغوښتنه لرم چه دغه افغانان هرڅومره ژر چه کیدای شی باید خپل وطن ته راولیږی ددوی لپاره اوس په افغانستان کی هیڅ قسم تهدید شتون نه لری اودکار زمینه هم څه ناڅه مساعده ده نور مونږ افغانان نه غواړو چه دڅو عیاشو افغانانو په خاطر چه دخپلی خوشګوزرانی په خاطر یی هم خپل پت اوعزت ترپښولاندی کړی ده اوهم یی دخپل وطن نوم په ملی اونړیواله سطحه بدنام کړه ده نورهم زمونږ ګران وطن بدنام شی

Leave a Reply

Your email address will not be published. Required fields are marked *