Categories

اعلان

Loading…

په هلمند کې ۲۴ وسله والو طالبانو ته د مرګ ژوبلې ادعا

تاند- په هلمند کې ولایتي چارواکي ادعا کوي چې په مارجې او سنګین ولسوالیو کې د ملي اردو او ملي پولیسو په عملیاتو کې د افغانستان د دولت ۱۷ کورني او بهرني وسله وال مخالفان وژل شوي دي.

خو طالبان بیا وايي چې ۱۱ افغان امنیتي ځواکونه یې وژلي دي.

د هلمند ولایت د مطبوعاتي دفتر له خبرپاڼې سره سم د مارجې ولسوالۍ په سیستاني سیمه کې د مولوي قصیر او ګلاب په نومونو د دوو قومندانانو په شمول ۱۵ وسله وال سخت دریځي وژل شوي او ۷ نور ټپیان شوي دي.

د هلمند د ولایتي چارواکو په وینا له دې عملیاتو سره په یووخت په سنګین ولسوالۍ کې د ملي اردو ځواکونو په تصفیوي عملیاتو کې ۲ وسله وال مخالفان وژلي او ډېره اندازه وسلې، ماینونه، موټرونه او موټرونه یې نیولي دي.

د هلمند چارواکو ویلي چې د مرجې په سیستاني سیمه کې په وژل شویو طالبانو کې پنجابیان هم شامل دي.

خو د وسله والو طالبانو ویندوی قاري یوسف احمدي ویلي چې د مارجې ولسوالۍ په سیستاني سیمه کې د افغان امنیتي ځواکونو پرضد افغان طالبان جنګېږي او د هغوی په منځ کې پنجابیان نشته.

قاري یوسف احمدي همداراز ادعا کړې چې د دې سیمې په جګړو کې د افغانستان ۱۱ امنیتي ځواکونه وژل شوي او ۶ ژوبل دي.

ده همداراز ویلي چې له جګړې وروسته په بمبارۍ کې ۴ طالبان وژل شوي او ۳ نور ژوبل دي.

60 total views, 1 views today

Leave a Reply

Your email address will not be published. Required fields are marked *