Categories

اعلان

Loading…

ایران د سوریې جګړې ته د افغان کډوالو د لېږلو راپورونه رد کړل

تاند- ایران سوریې ته د افغان کډوالو د لېږلو په باب د وال ستریټ ژورنال په شمول د رسنیو وروستي راپورونه رد کړل.

د ایران د بهرنیو چارو وزارت ویندویې مرضیې افخم د سې شنبې په ورځ په یوه خبري غونډه کې وویل چې دا راپورونه یو مخ بې اساسه دي او هدف یې دا دی چې په افغانستان کې د ایران «ښه شهرت» ته زیان واړول شي.

د ایران د بهرنیو چارو وزارت ویندویې وویل:«د امریکايي ورځپاڼې راپور کاملاً بې اساسه دی او هدف یې دا دی چې په افغانستان کې د ایران رول زیانمن شي.»

وال ستریټ ژورنال ورځپاڼې د افغان او لوېدیځو دیپلوماتانو په قول او دغه راز په ایران کې د یوه ایراني پلوه افغان آیت الله په قول ویلي و چې ایران په خپله خاوره کې د افغان کډوالو له مجبوریته په استفادې هغوی په میاشتني ۵۰۰ ډالره معاش او په ایران کې د اوسېدو د اجازې په بدل کې سوریې ته لېږي چې د اسد د رژیم د ملاتړ لپاره په جګړه کې برخه واخلي.

د ایران د بهرنیو چارو وزارت ویندویې مېرمن افخم وویل چې افغان چارواکو هم دا ادعاوې رد کړي دي. خو نوموړې ونه ویل چې کوم افغان چارواکي دا ادعاوې رد کړي دي.

د افغانستان ولسي جرګې او مشرانو جرګې د ایران له لوري د سوریې جګړې ته د افغان کډوالو د لېږلو په اړه د څېړنو غوښتنه کړې او له بهرنیو چارو وزارت څخه یې غوښتي چې له ایراني چارواکو سره خبرې وکړي.

ایران چې د سوریې د رژیم کلک ملاتړی دی، وايي چې د طالبانو او القاعده په شان سخت دریځي سني ډلې د سوریې د علوي مذهبه رژیم پرضد جنګېږي.

د ایران د بهرنیو چارو وزارت ویندویې مرضیې افخم هم دې موضوع ته په اشارې وویل:«په سوریه کې د طالبانو په شکل د جګړې په پیلولو کې پاتې راغلي قوتونه هڅه کوي چې د دروغو په خپرولو د ایران په ګاونډي هیواد افغانستان کې ایراني ضد احساسات وپاروي.»

دې همداراز وویل:«دا راپور افغانانو ته هم سپکاوی دی او وال ستریټ ژورنال ورځپاڼې ته پکار دي چې د افغانستان له خلکو د دې توهین په خاطر بخښنه وغواړي.»

222 total views, 1 views today

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2