Categories

اعلان

Loading…

انټرنیټي جرمونه/ ټولنیزې رسنۍ/ صیام الدین پسرلی

۴برخه

د ټولنیزو رسنیو څو بڼې:


مخکې مو وویل چې ټولنیزې رسنې بیلابیلې بڼې لرې چې ګڼې یې انلاین ټولنیزې شبکې دي چې په کې د ټولنې خلک اکاونټونه جوړوي او ځان ته خپل دوستان ملګري او یا هغه کسان غوره کوي چې غواړي ورسره د معلوماتو راکړه ورکړه وکړي او ورسره په اړیکه کې واوسي . دا مهال په اینټرنیټ کې په سلګونو داسې ویب پاڼې او شبکې شته چې د ټولنیزو رسنیو په توګه کار کوي . یو شمیر سر لارې یې په دې توګه دي:

فیس بوک :

http://www.facebook.com/
دا د افغانستان په شمول په ټوله نړۍ کې ډيره کارول کیدونې شبکه ده چې وګړي په کې کولی شي ځان ته اکاونټونه ، ګروپونه او ځانګړې پاڼې جوړې کړي، او په خپلو کې لیکنې ، عکسونه ، ویډيوګانې ، تبصرې او نور معلومات شریک کړي .

ټویټر:

https://twitter.com/
دا هم فیس بوک ته ورته ټولنیزه شبکه ده چې تر ډیره په کې مسلکي کسان خپلو کې د معلوماتو د شریکولو په خاطر مواد خپروي ، او ګڼ شمیر افغانان هم دا ټولنیزه شبکه کاروي .

یوټیوب :

http://www.youtube.com/
د یوټیوب انلاین ویب پاڼې په مټ کارونکي کې کولی شي، چې خپلې اخیستې او جوړې کړې ویډیوګانې له نورو سره شریکې کړي .

فلیکر :

http://www.flickr.com/
دا د عکسونو د شریکولو یوه ویب پاڼه چې په کې د ټولنې بیلابیل وګړي خپله اخیستل شوي عکسونه شریکوي.

ګوګل

https://www.google.com/
ګوګل سربیره پرې دې چې په انیټرنیټ کې د لټون یو پیاوړی ماشین دی ، دپام وړ ټولنیزې برخې هم لري ، ګوګل پلز د سوشل میډیا یوه بله بڼه چې فیس بوک ته ورته ده او کارونکي یې کولای شي د خپلو دوستانو یوه حلقه په کې تشکیل کړي او خپلو کې متنونه ، عکسونه ، ویډيوګانې او نور مواد شریک کړي .

همدارنګه ګوګل د بلاګر په لرلو سر خلکو ته د خپلو شخصي ویبلاګونو د جوړولو اسانتیا ورکوي چیرې چې هغوی خپلې لیکنې او نور شیان خپرولی او د خلکو نظرونو ته وړاندې کولی شي . پر دې سربیره ګوګل د ټولنیزو رسنیو ځینې نورې بڼې هم وړاندې کوي .
پر یادو هغو سربیره ، په سلګونو نورې انلاین ویب پانې ، انلاین ټولنیزې شبکې او معلوماتي انلاین ټولنې شته چې د سوشل میډیا یا ټولنیزو رسنیو بلیګې یې بلل شو .

افغانستان او ټولنیزه میډيا:

 social media summitد ګالوپ په نوم ، یو نړیوال سازمان په خپل وروستي راپور کې ویلي دي، چې په افغانستان کې په سلو کې درې کسان انیټرنیټ کاروي . خو په افغانستان کې د ننه د معلوماتي ټيکنالوژۍ څارونکي باور لري چې دا شمېر په سلو کې پنځه دی . هغوی چې اینټرنیټ کاروي ډير یې د افغان ټولنې هغه وګړي چې په ټولنه کې یې اغیز ښايي تر نورو زیات ځکه وي چې دوی لوستي کسان دي .
ګڼ هغه کسان چې په افغانستان کې اینټرنیټ کاروي ، په یو ډول نه یو ډول ټولنیزې رسنۍ هم په کار راولي .

مخکښه ټولنیزه شبکه چې په افغانستان کې تقریبا تر ((څلورسوو زرو )) کسانو پورې کارونکي لري فیسبوک ده چې په مټ يې هر ورځ ګڼ افغانان ، خپل نظرونه ، لیکنې ، عکسونه ، ویډیوګانې او نور معلومات له یو بل سره شریکوي .

ټویټر ، یوټیوب ، فلیکر او ځینې نورې ټولنیزې شبکې هم په افغانانو کې ډير کارونکي لري چې زیات یې ځوانان دي.

ګڼ هغه ځوانان چې ټولنیزه میډیا کاروي وايي چې د معلوماتو د ترلاسه کولو غوره وسیله ده . په دې کې هر سړی کولای شي د خپلې خوښې معلومات له نورو سره شریک کړي . او هر سړی کولای شي د خپلې خوښې معلومات راټول او خپله سم له ناسمو ، کره له ناکره او واقیعت له درواغو بیل کړي.

ضروري نه ده چې ټول هغه معلومات چې خلک یې په ټولنیزو رسنیو کې خپروي سم او کره وي ، خو دا چې نور کولی شي په خپرو شویو معلوماتو نظر ورکړي ، تبصرې پرې وکړي ، رد یې کړي او یا یې پخلی وکړي ، دا بهیر بالاخره دې ته لاره هواروي چې د ډیرو نظرونو په پایله کې واقعي او کره معلومات ترلاسه شي .

په افغانستان کې د انیټرنیټ وده په چټکۍ روانه ده ، او د ټولنیزې میډیا کاروونکي او فعالان ټول په دې اند دي چې په افغانستان کې د دې استعمال زیاتېدل به له وخت سره د هیواد په سیاسي، اقتصادي او ټولنیز حالاتو کې د لویو بدلونونو سبب شي[1] .


[1]  دا یمل مړوند لیکنه – یاران ویب پاڼه –www.yaraan.com

68 total views, 1 views today

Leave a Reply

Your email address will not be published. Required fields are marked *