Categories

اعلان

Loading…

ودان افغانستان ګوند د پاکستان د برید پر ضد لاریون وکړ

هلمند- د ودان افغانستان ګوند په سلګونو غړو او پلویانو نن د یوه سوله ییز لاریون په ترڅ کې د کندهار په معروف ولسوالۍ کې د پاکستاني ځواکونو برید په سختو ټکو وغانده.

لاریون کوونکو له ځان سره بېلا بېل شعارونه لېږدول او د لښکرګاه ښار په بېلا بېلو سیمو کې یې لاریون وکړ.

لاریون کوونکو د خپل لاریون په وروستیو کې یو څلور ماده ییز پریکړه لیک واوراوه.

د پرېکړه لیک په دې مادو کې راغلي چې موږ ټول افغانان په ځانګړي ډول د ودان افغانستان ګوند غړي پر خپله خاوره د پاکستان تېری په کلکو ټکو غندو، د دې تر څنګ یې له افغان دولت څخه غوښتنه کړې چې هیچا ته اجازه ورنه کړي چې د افغانستان پر خاوره تېری وکړي، لاریون کوونکو همدارنګه له ټول افغان ولس څخه وغوښتل چې د پاکستان د دې کړنې پر وړاندې غلي پاتې نه شي او د هیواد د ژغورلو لپاره سوله ییز لاریونونه ترسره کړي.

په پرېکړه لیک کې همدارنګه د افغان ملي امنیتی ځواکونو د مېړانې او قربانۍ قدرداني او ستاینه شوې او له دوی څخه یې خپل هر اړخیز ملاتړ ښودلی دی.

225 total views, 1 views today

Leave a Reply

Your email address will not be published. Required fields are marked *

۸