Categories

اعلان

Loading…

پاکستان: د افغانستان راتلونکی ولسمشر به د سولې لپاره تر کرزي زیات چانس ولري

تاند- پاکستان باور لري چې د افغانستان د جوزا د څلرویشتمې نېټې د انتخاباتو په پایله کې غوره کېدونکی ولسمشر به تر حامد کرزي له طالبانو سره د سولې د خبرو زیات چانس ولري.

دا خبره وال ستریټ ژورنال ورځپاڼې د جمعې په ورځ د پاکستاني چارواکو په قول کړې ده.

د پاکستان د ملي امنیت سلاکار سرتاج عزیز ورځپاڼې ته په مرکه کې ویلي:«یو نوی حکومت چې مشروعیت ولري او د انتخاباتو په نتیجه کې رامنځته شوی وي د سولې او پخلاینې لپاره د معنا لرونکو خبرو او تماسونو هیله غوړولی شي.»

د وال ستریټ ژورنال ورځپاڼې د راپور له مخې نوازشریف له واک ته رسېدو وروسته هڅه وکړه چې د افغانستان له ولسمشر حامد کرزي سره اړیکې ښې کړي او په ځلونو یې د افغانستان په چارو کې د نه لاسوهنې پر نوې پالیسۍ ټینګار وکړ.

خو عملاً پاکستان د کرزي له حکومت سره ښې اړیکې نه لرلې او داسي ښکاري چې دا هیواد په افغانستان کې د یوه غیرپښتون حکومت د واکمنېدو ننګه کوي.

د ځینو شناندو په باور پاکستان د دې لپاره په افغانستان کې د یوه غیرپښتون ولسمشر ملاتړ کوي چې سرحدي ستونزې ورسره حل کړي خو ځیني نور بیا وايي چې د یوه غیرپښتون ولسمشر واک ته رسېدا به سبب شي چې په افغانستان کې ناامني او ګډوډي زیاته او دا هغه څه دي چې پاکستان یې غوښتونکی دی.

سرتاج عزیز وویل:« بریالي انتخابات به د ټولو نفوذ لرونکو خواوو په ګډون د پراخ بنسټه ايتلاف د جوړولو لپاره د کابل لاس پیاوړی کړي او دا هغه شی دی چې موږ یې غواړو.»

د صدراعظم نوازشریف د بهرنیو اړیکو سلاکار طارق فاطمي هم ورته خبرې وکړې، ویې ویل:«موږ د هغه چا غوښتونکي یوو چې د افغان ټولنې له ټولو پرګنو سره جوړجاړي کولی شي.»

سرتاج عزیز وویل، پاکستان نه غواړي چې افغان طالبان په افغانستان کې کومه سیمه لاندې کړي ځکه چې د ده په وینا که افغان طالبان پر کومې سیمې کنټرول ترلاسه کړي پاکستاني طالب تروریستان به هلته پناهځایونه ومومي او دا سیمې به د پاکستان لپاره ستونزې وزېږوي.

ده وویل چې پاکستان د دې پر ځای چې افغان طالبان سیمې ونیسي د دې ملاتړ کوي چې هغوی د افغانستان د ځینو ولایتونو په حکومتي چارو کې شریک شي او ځینې چوکۍ وروسپارل شي چې انتخابي نه دي.

د سرتاج عزیز په قول وال ستریټ ژورنال ورځپاڼې لیکلي:«د سیمو لاندې کول نه، بلکې شریکېدل. باید دوی ته داسي زمینه برابره شي. په قدرت کې باید داسي شریک کړای شي چې دوی په حقیقي معنا نفوذ لرونکی لوری وي.»

ښاغلي فاطمي وویل چې پاکستان به د سولې په خبرو کې د لارښوونکي رول نه لري:«موږ به یوازې ملاتړ کوونکی رول لوبوو.»

426 total views, 3 views today

5 comments

  1. hassan Reply

    دا تور مخی پنجابیان د افغانستان په باب داسی خبری کوی چی ته به وایی کوم پلار د خپلو زامنو په باب او یا کوم بادار د خپلو مزدورانو په باب خبری کوی. تاسو دی جملی ته ځیر شی :
    «موږ د هغه چا غوښتونکي یوو چې د افغان ټولنې له ټولو پرګنو سره جوړجاړي کولی شي.»
    «د سیمو لاندې کول نه، بلکې شریکېدل. باید دوی ته داسي زمینه برابره شي. په قدرت کې باید داسي شریک کړای شي چې دوی په حقیقي معنا نفوذ لرونکی لوری وي.»
    «موږ به یوازې ملاتړ کوونکی رول لوبوو.»
    دی ته وایی منافقت او هغه هم د یوه اسلامی هیواد دعوه لرونکی.
    زمونږ ټول سیاسی مشران باید د خپلو ملی منافعو په چوکاټ کی دغو منافقینو ته غاښ ماتوونکی ځواب ووایی. میلمه می لیدلی و خو نه د کور واکدار.

  2. اتل خان Reply

    پاکستان او ایران دواړه نه غواړی چی ډاکټر اشراف غنی دی د افغانستان ریس جمهور شی, دانو اوس زمونږ د افغانستان په خلکو پوری اړه لری چی دوی رایی ورکوی او کنه, زمونږ خلکو لکه څنګه چی په لومړی پړاو کی غټه قربانی ورکړه نو دا ځل بیا یوی غټی قربانۍ ته ضرورت دی, زه تعصوبی نه یم اونه دی عبدالله سره مشکیل لرم خو اوس وخت افغانستان ډاکټر اشرف غنی ته شدیده اړتیالری, نو په دی اساس زه دافغانستان ټولو خلکونه په حاصه توګه دافغانستان پښتون ولس نه دا غوښتنه او هیله کوم چی په خپل ټول ځواک سره د رایو مرکزنوته لاړشی ترڅومو دافغانستان دښمن ګوانډیانو ته تاریخی غاښ ماتونکی ماتی ورکړی وی ,او که مو داسی ونکړل بیابه دی مچ په شان لاسونه سولوو چی بیابه اوبه له ورخ نه تیری وی.

  3. اتل خان Reply

    اپاکستان او ایران دواړه نه غواړی چی ډاکټر اشراف غنی دی د افغانستان ریس جمهور شی, دانو اوس زمونږ د افغانستان په خلکو پوری اړه لری چی دوی رایی ورکوی او کنه, زمونږ خلکو لکه څنګه چی په لومړی پړاو کی غټه قربانی ورکړه نو دا ځل بیا یوی غټی قربانۍ ته ضرورت دی, زه تعصوبی نه یم اونه دی عبدالله سره مشکیل لرم خو اوس وخت افغانستان ډاکټر اشرف غنی ته شدیده اړتیالری, نو په دی اساس زه دافغانستان ټولو خلکونه په حاصه توګه دافغانستان پښتون ولس نه دا غوښتنه او هیله کوم چی په خپل ټول ځواک سره د رایو مرکزنوته لاړشی ترڅومو دافغانستان دښمن ګوانډیانو ته تاریخی غاښ ماتونکی ماتی ورکړی وی ,او که مو داسی ونکړل بیابه دی مچ په شان لاسونه سولوو چی بیابه اوبه له ورخ نه تیری وی.

  4. انجنر طارق Reply

    کرزی فه ۱۲ کلوکی فساد اداری ته دیر خدمت وکړ او دخفلو وروڼو خیټی یی دی ابد لفاره مړی کړی

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2