Categories

اعلان

Loading…

د ولسمشرۍ د انتخاباتو نهايي پایلې په وخپل وخت نه اعلانېږي

تاند- داسي ښکاري چې د انتخاباتو خپلواک کمیسیون به سبا/چهارشنبه/ د ولسمشرۍ د انتخاباتو نهايي پایلې اعلان نه کړای شي.

د ټاکنو د خپلواک کمیسیون د دارالانشا رييس ضیاالحق امر خېل وايي چې تر نن ورځې پوري د شکایتونو خپلواک کمیسیون د خپلو څېړنو نتیجه نه ده ورسپارلې.

د انتخاباتو خپلواک کمیسیون مخکې ویلي و چې که د شکایتونو کمیسیون د دوشنبې په ورځ د خپل کار نتیجه دوی ته وسپاري، دا کمیسیون به د چهارشنبې په ورځ /د ثور ۲۴مه/ د ولسمشرۍ د انتخاباتو نهایي پایلې اعلان کړي.

ښاغلی امر خېل هم دې مسلې ته په اشارې وايي چې باید د شکایتونو کمیسیون پرون ورځ /دوشنبه/ د خپلو پرېکړو نتیجه د انتخاباتو کمیسیون ته لېږلې وای.

امرخېل وايي چې غالباً به سبا د انتخاباتو خپلواک کمیسیون نهايي پایلې اعلان نه کړي ځکه چې حتي که نن هم د شکایتونو کمیسیون د خپل کار نتیجې وروسپاري، دوی به وخت ونه لري چې د شکایتونو کمیسیون پرېکړې وڅېړي او وروستۍ پایله اعلان کړي.

تر دې وړاندې د انتخاباتو خپلواک کمیسیون ابتدايي پایلې هم دوه ورځې په ځنډ اعلان کړې وې.

همداراز دا کمیسیون وايي چې د اساسي قانون مطابق د ولسمشرۍ دوهم ځلي انتخابات په خپل وخت نه شي ترسره کولی.

د اساسي قانون او د انتخاباتو قانون وايي چې د نهايي نتیجو له اعلانه وروسته باید دوهم ځلي انتخابات په دوو اوونیو کې وشي خو اوس ویل کېږي چې د جوزا په ۲۴ مه به ترسره شي حال دا چې مخکې په پام کې وه چې د جوزا په اوومه د دوو مخکښو کاندیدانو ترمنځ دوهم ځلي انتخاباتو وشي.

7 total views, 1 views today

Leave a Reply

Your email address will not be published. Required fields are marked *