Categories

اعلان

Loading…

کرزي په ارګو کې مصیبت ځپلیو ته وویل چې په خپله به دوی ته د مرستو بهیر وڅاري

تاند- د افغانستان ولسمشر حامد کرزی نن د بدخشان ارګو ته لاړ چې د دې ولسوالۍ د اب باریک له مصیبت ځپلیو سره له نژدې وویني.

کرزي ارګو ته له رسېدو سر ه سم د غونډۍ د ښویېدو په پېښه کې د وژل شویو کسانو د کورنیو له غړیو سره ولیدل او له هغوی سره یې خواخوږي څرګنده کړه.

کرزي د خلکو خبرې واورېدې، او د وژل شویو کسانو خپلوانو د پېښې د څرنګوالي په اړه معلومات ورکړل.

ولسمشر د قربانیانو خپلوانو ته ډاډ ورکړ چې پرېمانه کورنۍ او بهرنۍ مرستې ټولې شوي او ژر به ټولو مصیبت ځپلیو ته ورکړای شي.

کرزي هغو کسانو ته، چې کورونه یې نړېدلي دي، ژمنه ورکړه چې کورونه به ورته جوړ کړي.

کرزي همداراز وعده وکړه چې په خپله به مصیبت ځپلیو ته د مرستو د رسېدو بهیر وڅاري.

په همدې حال کې نن د پوهنې وزارت اعلان وکړ چې د ارګو ولسوالۍ په اب باریک کلي کې به یو ښوونځی، بو دارالعلوم او یو دارالحفاظ جوړ کړي.

تر اوسه پوري د نړۍ هیوادونو په ملیونونو ډالره مرسته اعلان کړې. چارواکي وايي چې مرستې خورا زیاتې دي او اوس د شاوخوا کلیو اوسېدونکي هم په مصیبت ځپلي کلي کې راټول شوي او هغوی هم مرسته غواړي.

125 total views, 2 views today

4 comments

  1. باچا Reply

    که کرزی خپله د مرستو ځارنه وکړی، دلته به هم مصلحت په پام کې ونیسیي او د مستحقینو برخه به خواره وي!

  2. Afzali Reply

    لکه چه کرزی لالا هم غواړی چه په دی مرستو کی ځان شریک کړی او ددی مظلوم ملت د تخصیص شویو مرستو یوه اندازه په خپل جیب کی واچوی تر څو دده فاسد مامورین ددی مرستو ټوله برخه په خپل جیبونو کی وا نه چوی

  3. اصیل ټرکان Reply

    ښاغلی تپلمشر کرزی ته حتمی ده چی دا کار وکړی ځکه یو خو نو نو دئ بیکاره دئ او بل داچی دی دنظار دشورای دیو وفاداره غړئ په توګه وظیفه لری دا کار وکړی

  4. Abdul Reply

    زما به خيال دا به د كرزى لباره اخرى د درغلي جانس وى زكه جه نور كومكونه خو لا دوخته دريدلي دى؟ زكه يي برسى بخبله كوى.

Leave a Reply

Your email address will not be published. Required fields are marked *