Categories

اعلان

Loading…

د فدا نظري څو شعرونه ۱۵

نه آشنا

باد،

      پخپله،

              ګرده شپه،

د تيارې،

          او يخنۍ له وحشته،

د کوټې کړکۍ،

                      را کړپولې،

خو،

ما به هر ځل ورته،

ويل:

      نه آشنا!

زه يوازې،

               سهار،

                       رڼا،

                          او د لمر وړانګو ته،

                                                کړکۍ پرانيزم.

 

نه پوهېږم

 

نه پوهېږم،

زموږ په منځ کې،

ولې،

 ايمانونه،

يو له بل سره په جګړه کې دي،

امامان،

        يو بل نه مني،

انسانان،

             يو د بل په ژبه نه پوهېږي،

او هوښيار پښتانه،

                            يو د بل کورونه سوځي،

لکه چې،

د کوم بل وطن جادوګر،

       پر موږ،

                                       ساحري زده کوي.

 

نور بلور مات شوی دی
 

ستا،

     شونډو ته مې

څو څو ځلې،

                ويلي دي:

                     نور بلوړ،

                             مات شوی دی،

د جام په څوکه،

په پام پام،

              خوله  ا يږده.

                                                   

نوره به جګړه نه وي

نن،

د پسرلي لمر،

                   او باران،

                               سره ګډ و،

څاڅکي،

په تلوار،

             له پورته رالوېدل،

د باران ږغ ډېر ورو،

خو،

 

په زانګو کې ماشومانو،

                               اورېدې،

څاڅکو ويل:

((  مه ډارېږئ!

                     څو تاسو ستر کېږئ،

                              نوره به جګړه نه وي ))

67 total views, 1 views today

Leave a Reply

Your email address will not be published. Required fields are marked *