Categories

اعلان

Loading…

جوجو/ اسمعيل لاروی

جوجو د پښتو ژبې د ځانګړي سبک لرونکي او پېژندل شوي ليکوال نصير احمد احمدي ناول دی چې په دې وروستيو کې د مومند خپرندويه ټولنې له لوري په ۱۲۷ مخونو په ښکلي کاغذ چاپ شوی دی.

ناول د يو لرې ستوري د يو محقق(جوجو) او تواب د خبرو اترو مجموعه ده چې پښتنې ټولنه يې له نورې نړۍ سره پرتله کړې.

جوجو له يو ستوري ځمکې ته په تحقيق پسې راغلی او دلته د انسانانو له حالته ځان خبروي خو په داسې يوه ټولنه اوړي چې د ځمکې پر مخ د انسانانو بله داسې ټولنه هيڅ نشته.

دلته د نجونو په تعليم بنديز، په مينه بنديز، په لېونيانو پورې خندا، د بېوزلو له بېوزلۍ ناوړه ګټه اخيستنه، د خپل هيواد د ورانۍ چارې تر سره کول، د انسان وژنه عادي خبره ګڼل، بدۍ و دوښمنۍ، دښځو وهل ډبول، نشې، بدبينۍ، بې ځايه غرور، په بدو کې د نجونو ورکړه او نور ډېر څه لولو چې د دې ناول موضوعګانې جوړوي. دا هر څه د جوجو او تواب له خوا په ډېر ښکلي انداز بيانېږي.

په ناول کې ډېرې جالبې کيسې راغلې دي، يو ځای د تواب تره خپله لور په دې خاطر د مرګ تر بريده وهي چې يو تږي لاروي ته يې اوبه ورکړې دي خو په عين حال کې همدا سړی د شپې يوې کونډې ته ورځي او زنا ورسره کوي.

دا د ناول يوه بله کيسه ده چې جوجو د موږک له خولې بيان کړې: د يوې پېغلې ورور يو څوک وژني خو د بدۍ د ختمولو په خاطر همدا جينۍ د مقتول کورنۍ ته ورکول کېږي تر څو دوښمني په دوستي بدله شي؛ دا چې دا پرېکړه د پېغلې خوښه نه وي، زهر خوري.

بل ځای راځي؛ د تواب نېکه کور جوړوي، د کلي يو ښوونکی ورته راځي او په يوه خونه کې د کتابونو د اېښودو د ځای وړانديز کوي، کاريګر او ملک دواړه پورې خاندي. چېرته کتابونه، چېرته پښتانه؟!

جوجو چې د ټولو ژوندي سريو سره خبرې کولای شي، سوی او ګېدړه ورته وايي: غرونه لوڅ شول، انسانانو ټولې ونې خرڅې کړې…

همدلته پسې راځي چې يوه جينۍ د دوو ځوانانو له خوا ځکه وژل کېږي چې د يو ځوان د ګرانښت خبره کوي.

د کوچيانو په باره کې هم ډېرې خبرې لري. ټولنيزې ستونزې، ناپوهي، بې وزلې او د دوی د ژوند نور اړخونه يې په ډېر ښه شکل بيان کړي دي او تر څنګ يې د ليکوالانو او شاعرانو هغه خبرې هم را اخيستې دي چې د (موټرو له ښېښو) کوچيانی ژوند انځوروي او يوازې يو اړخ (طبيعي ښکلا) را اخلي، نور يې په ستونزو پسې سر نه ګرځوي.

جوجو او تواب په دې هم بحث کوي که شاعران او ليکوالان دې ستونزو ته پام وکړي نو د دنيا پام به د کوچياني ژوند ستونزو ته را واوړوي او دلته به ښوونځي جوړ شي، کلينيکونه به جوړ شي او د ژوند د نورو اسانتياو غم به يې وخوړل شي.

کله چې جوجو دا تحقيق خپل ستوري ته وړي، هلته يې ښوونکي او د مکتب مدير نه ورسره مني او ورته وايي چې موږ خو هر ځل ځمکې ته تللي يو، داسې مخلوقات مو نه دي ليدلي او انسان په هر ځای کې داسې ژوند کړی چې د فخر او وياړ ژوند دی، د مينې او اخوت ژوند دی، د پرمختګ او هوساينې ژوند، د برابرۍ او تعادل ژوند او په رښتيني ډول انساني ژوند دی.

ځمکې ته چې د جوجو د ستوري نور محقيقين له ده وړاندې راغلي. هغوی ټول له جوجو سره مخالف نظر لري، جوجو ورته د پښتني ټولنې تصويرونه ښيي خو هغوی يې نه ورسره مني.

هغوی نور زده کوونکي او هغه کسان جوجو ته راولي چې په دې وروستيو کې ځمکې ته راغلي او دلته يې په انساني ژوند تحقيق کړی دی خو هغوی د جوجو له تحقيق سره مخالف نظريات لري او د جوجو تحقيق د تاريخ و اخلاقو ښوونکي او مدير ته د منلو نه وي.

يوه بل ځمکه پېژندونکي چې له جوجو وړاندې په ځمکه کې تحقيق کړی، وايي: داسې نه ده لکه څرنګه چې جوجو وايي، زه د بنګله دېش په نوم هيواد ته تللی وم، يوه کورنۍ مې وليده. له نيستۍ د سړک د پله لاندې اوسېدل خو په نجونو او هلکانو يې درس وايه.

يو بل ځای د يو بل هيواد د ماشوم کيسه کوي چې نوک وهي، لوېږي، پښه يې زخمي کېږي خو دی چې را پورته شي، د ځان له درده د بېرغ سپېرېدل ورته بد ښکاره شي، لومړی سپېره بيرغ ښکلوي او له دوړو يې څنډي.

د نورې نړۍ ورته نورې د پرمختګ او انساني ژوند کيسې هم راغلې دي چې د جوجو له تحقيق سره په بشپړ ډول په ضد کې دي.

بلاخره د جوجو تحقيق دروغ ثابتېږي، له ښوونځي څخه يې د ايستل کېدو او د سختې سزا (د غږ په ماشين کې بندېدل) ورته ټاکل کېږي خو په ښوونځي کې د پلار په مټ پاتېږي او يوازې تحقيق يې دروغ ثابتېږي.

جوجو چې له سزا وروسته کڼېږي، دوباره د تواب خوا ته راځي او کيسه ورته کوي، تواب ورته وايي چې بيا هم زموږ په ټولنه کې تحقيق کوي؟!

جوجو په خندا ورته وايي:

ـ اه ګرانه! بيا مې مه شرموه!

دا ناول د پښتني ټولنې يو په زړه پورې روڼ او رښتينی تصوير دی، هغه څه چې تر ډېره نه دي بيان شوي، دلته يې لوستلی شو او د خپلې در په دره ټولنې په اړه ډېر څه پکې لولو.

د ښو پيغامونو تر څنګ ناول په ډېر ښکلي انداز سره ليکل شوی. په لوستو کې هيڅ ستړيا نه لري، په ساده او روانه ژبه ليکل شوی، جملې يې خورا لنډې دي، اضافي خبرې پکې نشته، تلوسه پکې ډېره ده او کرکټرونه پکې په ډېر ښه ډول لوبول شوي دي.

که څه هم ناول يو ه کيسه نه لري، ډېرې کيسې لري خو په دې هره کيسه لوستونکی پوهېږي او په هره وړه کيسه کې ډېر پيغامونه کتلای شي.

دا ناول مې چې پای ته ورساوه، د استاد اسدالله غضنفر دا خبره را ته ياده شوه چې د ځانځاني ښامار اثر د مقالې عنوان يې ټاکلې وه(( پيغامونه پټ پراته په افسانو کې)).

216 total views, 1 views today

  1. Nazir naimy, Oslo Reply

    جو جو خورا په زړه پوری ناول ښکاري. که څوک مهربانی وکړی او د لاسته راوړلو پته یئ په افغانستان او اروپا کی لوستونکو سره شریکه کړی.
    په درنښت.

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور
  • 1
  • 2