Categories

اعلان

Loading…

په بلوچستان کې د لارۍ او ۲ بسونو په ټکر کې ۳۵ تنه مړه شول

تاند- د پاکستان په بلوچستان ایالت کې له یوې لارۍ سره د دوو مسافري بسونو د ټکر له کبله لږترلږه ۳۵ تنه مړه شوي او په لسګونو نور ژوبل دي.

د پاکستان رسنیو د پولیسو په قول وویل، دوه مسافروړونکي بسونه، چې نن د بلوچستان ایالت له مرکز کوټې څخه کراچۍ ښار ته روان ول، د بلوچستان په حب سیمه کې د زیات سرعت او د غیرقانوني سبقت په وجه له یوې لارۍ سره ټکر شول.

د شاهدانو په وینا پاکستاني رسنیو وویل چې له ټکره وروسته بسونه له سړکه واوښتل.

د بلوچستان ایالت د پولیسو چارواکو وویل چې له لارۍ سره د بسونو له ټکره وروسته اور ولګېده ځکه چې په لارۍ کې د تېلو ټانکر بار و.

د پولیسو په وینا اکثره کسان د اور لګېدو په وجه مړه شوي یا ټپیان دي.

پاکستاني رسنۍ وايي چې د پېښې په قربانیانو کې زیات شمېر ماشومان او ښځې هم شاملې دي.

په پاکستان کې عموماً موټر چلوونکي ترافیکي قوانین نه مراعتوي او له بلې خوا ډېر چلوونکي د موټر چلولو په وخت نشه مواد لکه چرس او تریاک استعمالوي.

188 total views, 2 views today

Leave a Reply

Your email address will not be published. Required fields are marked *

۸