Categories

اعلان

Loading…

د کابل د سرینا هوټل په برید کې ۹ تنه وژل شوي، د پېښې نور جزییات

تاند- د کابل په سرینا هوټل کې د تېرې شپې د حملې په اړه تازه معلومات وايي چې څلور تنه، چې تومانچې یې په جورابو او د بوټونو په کوري (کُري) کې پټ کړي وو، نهه تنه وژلي.

په وژل شویو کې څلور بهرنیان او دوه ماشومان هم شامل دي.

د کورنیو چارو وزارت ویندوی وايي چې حمله کوونکو د شپې په اته نیمې بجې ځانونه له تلاشۍ تېر کړي او له کوچنیو تومانچو سره هوټل ته ننوتي دي.

صدیقي وايي، په وژل شویو کسانو کې د دوو ماشومانو په شمول ۵ تنه افغانان دي. ده وویل چې ماشومان په سر لګېدلي دي.

فرانس پریس خبري اژانس ویلي چې په کابل کې د دغه اژانس خبریال سردار احمد، د هغه مېرمن او دوه ماشومان د سرینا په حمله کې وژل شوي دي.

او بهرنیان د کاناډا، نیوزیلنډ، هند او پاکستان اتباع دي.

د کورنیو چارو وزارت ویندوی صدیق صدیقي د سرینا هوټل ساتونکي په غفلت او بې پروايۍ تورن کړل، ویې ویل چې هغوی له دې سره سره چې د تلاشۍ او چک کولو پرمختللي وسایل لرل، هوټل ته د ننه وتو په مهال له حمله کوونکو سره وسله نه وه موندلې.

له دې حملې مخکې پرون په ننګرهار کې اوو ځانمرګو د پولیسو پر یوه ماموریت یا حوزې په برید کې ۱۰ پولیس او یوه محصل ووژل.

هم د ننګرهار اووه ځانوژونکي او هم د کابل د سرینا پر هوټل څلور حمله کوونکي د افغان امنیتي ځواکونو له لوري ووژل شول خو دې بریدونو وښودله چې افغان امنیتي ځواکونه د انتخاباتو په درشل کې له سخت چلینج سره مخامخ دي.

د چهارشنبې په ورځ طالبانو په فاریاب کې ۱۸ تنه ملکیان ووژل او شاوخوا ۴۰ نور ژوبل کړل.

همداراز نن په کندهار کې په یوه چاودنه کې د کندهار د والي د دفتر رييس پروېز نجیب او د خاکرېز ولسوال سخت ټپیان شول. ویل شوي چې د پروېز نجیب، چې هم ډاکتر و او هم خبریال او ژورنالیست ، حال نازک دی.

طالبانو، چې د دې حملو مسوولیت په غاړه اخیستی دی، تر دې پخوا په کابل، جلال اباد او نورو سیمو کې دې ته ورته ډېر بریدونه کړي دي خو د جلال اباد او سرینا هوټل بریدونه چې یو د پولیسو پر ماموریت و او بل په یوه خورا خوندي هوټل، وښودله چې دا ډله لا هم داسي ځایونه چې کلک امنیتي تدابیر ورته نیول شوي، په نښه کولی شي.

268 total views, 1 views today

1 comment

  1. kako Reply

    ټيک مې دړې وړې داچارې دزرګر وينم
    سرې سترګې خمارې باڼهیې ځلندر وينم

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2