Categories

اعلان

Loading…

۱۱ – د فدا محمد نظري څو شعرونه

د مينې اينداره

سره  له دې،

چې کورونه مو،

               يو له بل نه ليرې دي،

د زړه ږغونه سره اورو،

سره له دې،

چي د نه ليکل شوي قانون،

                                  زولنې مو،

                                             پر لاسونو او پښو،

                                                                    چاپېرې دي،

د مينې په اينداره کې،

يو بل  سره وينو.

د مينې زندان

د ازل  پاچا،

په لومړۍ ورځ،

– د مينې له ډاره –

له زړه نه  د تيښتي،

ټول ورونه،

        کولپ کړل،

که چېرته،

مينه،

–  په هر چل چې وي –

زړه ته لاره وکړي،

د تل لپاره به،

                     هلته،

             زنداني،

             شي.

د مينې قانون

د مينې،

         قانون،

يو پوخ،

         – ناليکل شوی-

                                قانون دی:

((ستا په اميد،

                     شپه

                          سبا کوم))

د هغه تر ټولو زرينه،

                             ماده ده.

داسې زندان

ډېر ځله مې،

زيات زندانونه،

                      ليدلي دي،

خو،

  نه داسې:

        بې دېواله،

                     بې زولنو،

                               بې ولچکه،

                                  بې کوټه کلپۍ زندان،

دا زندان،

          ډېر پراخ دی،

خو،

   اغزن سيمان،

                      نه دي،

                           پرې را تاو شوي،

  • o

هر بندي يې،

((همشهري)) نومېږي،

بند يې،

       ټاکلې موده نلري،

  • o

ترمخه  مې،

              د داسې زندان،

تصور هم،

               نه شوای کولای.

215 total views, no views today

Leave a Reply

Your email address will not be published. Required fields are marked *

۸