Categories

اعلان

Loading…

د مارشال فهیم جنازه نن د کابل په بادام باغ کې خاورو ته سپارل کېږي

تاند- ټاکل شوې ده چې د افغانستان د ولسمشر د دوهم مرستیال مارشال قسیم فهیم جنازه نن په ارګ کې د جنازې له لمانځه وروسته د کابل د بادام باغ پر غونډۍ خاورو ته وسپارل شي.

په بادام باغ کې د مارشال فهیم د جنازې تر ښخولو مخکې به د ده جنازه د ملي دفاع له وزارته پورته او ارګ ته یووړل شي چې دوستان او نور چارواکي یې درناوی په ځای کړي.

د افغانستان د وزیرانو شورا پرون پرېکړه وکړه چې د مارشال فهیم د فاتحې مراسم به د چهارشنبې په ورځ په کابل او ولایتونو کې اخیستل کېږي.

ولسمشر کرزي پرون د کابینې په ځانګړې غونډه کې یو ځل بیا مارشال قسم فهیم نېک او کلک افغان وباله او د نوموړي پر مړینه یې غمرازي څرګنده کړه.

کرزي وویل، مارشال فهیم په ټولو سختو پرېکړو کې ورسره ملګری و او د سولې پر بهیر د نیوکو په وړاندې یې تل ویل چې سوله یوه اړتیا ده او دا د ولسمشر او حکومت مسوولیت دی چې هیواد ته سوله راولي.

د ولسمشر کرزي دوهم مرستیال کریم خلیلي هیله څرګنده کړه چې د مارشال فهیم په شان شخصیتونو له برکته په افغانستان کې سوله او امنیت راشي.

قسیم فهیم د یکشنبې په ورځ د زړه د سکتې په اثر د ۵۶  کلونو په عمر ساه ورکړه. د افغانستان دولت د مارشال فهیم د مړینې په مناسبت درې ورځې (یکشنبه، دوشنبه او سې شنبه) عمومي ویر اعلان کړی او ویلي یې دي چې په دغو درو ورځو کې به د افغانستان بیرغونه په هیواد کې دننه او په بهر کې د افغانستان پر سفارتونو نیم ځوړند وي.

مخکې پرېکړه شوې وه چې د فهیم قسیم جنازه به په پنجشير کې خاورو ته سپارل کېږي خو د نوموړي د تدفین د ځانګړي کمیسیون مشر او د کورنیو چارو وزیر عمر داوودزی وايي چې د مارشال د کورنۍ په غوښتنه د نوموړي جنازه د کابل په بادام باغ کې خاورو ته سپارل کېږي.

 ګومان نه کېږي چې ولسمشر کرزی به، په داسي حال کې چې د واک دوره یې مخ په بشپړېدو ده، د فهیم پر ځای بل مرستیال ځان ته وټاکي.

د افغانستان له اساسي قانون سره سم ولسمشر د خپل هر مرستیال د مړینې یا استعفا په صورت کې د ملي شورا په تایید بل څوک مرستیال غوره کولی شي.

مارشال قسیم فهیم ومړ

د مارشال فهیم د مړینې پر منفي اغېزو د نیویارک ټایمزتبصره

584 total views, 1 views today

1 comment

  1. alamoona gharkaweena Reply

    Pa kar wa che pa shamshan ghat ke ya sezale wai.

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2