Categories

اعلان

Loading…

پاکستان ته ۲۷ قاچاق کېدونکي ماشومان په بغلان کې ونیول شول

تاند- د بغلان امنیه قومندان پرون /شنبه/ وویل چې د ۲۷ ماشومانو، چې غالباً پاکستان ته د ځانمرګو بریدونو لپاره په قاچاق وړل کېدل، مخه نیولې ده.

د بغلان امنیه قومندان امین الله امرخېل رسنیو ته وویل: قاچاقبرو غوښتل چې دا ماشومان، چې عمرونه یې تر ۱۱ کلونو کشر دي، له کندوز ولایته پاکستان ته یوسي.

د ده په وینا قاچاقبرو غالباً غوښتل چې په پاکستان کې دغو ماشومانو ته د ځانمرګو بریدونو روزنه ورکړي.

تر دې مخکې په ځلونو داسي ماشومان له ځانمرګو واسکټونو سره نیول شوي چې په پاکستان کې ځانمرګو بریدونو ته هڅول شوي او افغانستان ته راستول شوي دي.

وسله وال طالبان وايي چې دوی په ځانمرګو بریدونو کې له ماشومانو کار نه اخلي خو تېره میاشت افغان امنیتي ځواکونو یوه ۱۲ کلنه ماشومه سپوږمۍ په هلمند ولایت کې مخکې تر دې ونیوله چې د پولیسو پر یوه پوسته ځانمرګی برید وکړي.

سپوږمۍ د خپل طالب ورور له لوري ځانمرګي برید ته اړ ایستل شوې وه.

سپوږمۍ د ولسمشر کرزي په امر بېرته خپلې کورنۍ ته وسپارل شوه خو تراوسه څرګنده نه ده چې له هغې سره د کورنۍ غړیو څه چلن کړی دی.

358 total views, no views today

1 comment

  1. لالا ، بټنوال Reply

    د خود کشو پروژې ته بیا ډېرې پیسې راغلي دي، اودا په ګوتو کوي چې سفاک دښمن بیا مټې نغښتي دي ، يوځوان چې ټوله ورځ به ېې د کور او دوستانو څخه پیسې شکولې او چرس او شراب ېې عادت وو اوناسته ولاړه ېې د لوفرانو سره وه ، خپل دوست ته په تيليفون کې وویل ، دلته لاهور ته تبليغ دښونې لپاره راغلئ يم ، د عربو او مصر څخه غټ غټ عالمان راغلي دي ، جيب خرچ هم راکوی دوست ېې پرځان وویریده او تیليفون ېې پرې بند کړ، بیاېې ماته کیسه وکړه ( د دولتي ارګانونو څخه زمونږ هیله داده چې که په رښتيا د دې پروژې مخه نيول غواړي قاچاقبران دې سمدستي اعدام کړي اود ماشومانو کورنيو څخه دې تحقيقات وکړي چې ولې خپل دزړه ټوټې پلوري که مجبور وی دولت دې مرسته وکړي اوکه نه وی ، ماشومان دې په يتيم خانو کې وروزي

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

استقلال | استاد عبدالله ويديال

دا لیکنه مې د هېواد د استقلال د (۱۰۰) مې کلیزې، یوې نمانځغونډې ته د وینا یوه برخه وه. د…

استقلال | استاد عبدالله ويديال

20 Oct 2019 خپلواکي مقالې تاند No comments

نور

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور
  • 1
  • 2