Categories

اعلان

Loading…

اوباما پینتاګون ته وویل چې له افغانستانه د ټولو پوځیانو د ایستلو پلان جوړ کړي

تاند- د امریکا ولسمشر بارک اوباما پینتاګون ته امر وکړ چې له افغانستان سره د امنیتي موافقې د نه لاسلیکېدو په صورت کې د کال تر پایه له دې هیواده د ټولو امریکايی پوځیانو د ایستلو لپاره پلان جوړ کړي.

د امریکايی رسنیو د راپور له مخې اوباما نن /سې شنبه/ د افغانستان له ولسمشر حامد کرزي سره پر پلانونو خبرې وکړې.

کرزي تراوسه پوري د امنیتي موافقې له لاسلیکولو سره مخالفت کړی دی.

سپینه ماڼۍ د افغانستان او امریکا د ولسمشرانو له ټېلفوني خبرو وروسته وویل، اوباما د افغانستان ولسمشر حامد کرزي ته وویل چې دې ته تیار دی چې سږ کال وروسته احتمالاً د افغانستان د ولسمشرۍ په انتخاباتو پسې دا موافقه نهايي شي.

اوباما ولسمشر کرزي ته وویل، که موافقه سږ کال وروسته لاسلیک شي، امریکا ممکن لږ شمېر پوځیان په افغانستان کې وساتي.

سپینې ماڼۍ وویل، اوباما د افغانستان له ولسمشر سره په خبرو کې د دې پخلی وکړ چې امریکايی پوځیان د افغانانو په مشرۍ په خپل وخت، باوري او مناسبو انتخاباتو ملاتړ کوي او ژمنه کوي چې د کوم ځانګړي کاندید ملاتړ به ونه کړي.

اوباما حامد کرزي ته همداراز وویل، څرنګه چې داسي ښکاري چې امنیتي موافقه نه لاسلیکوي، امریکا پر نورو پلانونو کار کوي.

ده په عین حال کې وویل، هر څومره چې د امنیتي موافقې لاسلیک ځنډېږي په هماغه اندازه دا احتمال زیاتېږي چې له ۲۰۱۴ وروسته امریکا لږ پوځیان پرېږدي او لېوالتیا یې د ځواکونو له پرېښودلو سره کمه شي.

اوباما او کرزی په وروستیو کې له یو بل سره ډېرې لږې خبرې کوي خو د افغانستان ولسمشر ته د اوباما نننی ټېلفون د کرزي له لوري د امنیتي موافقې د نه لاسلیکېدو له درکه د متحدو ایالتونو د نهیلۍ ښودنه کوي.

اوباما یوه ورځ وروسته له دې د افغانستان ولسمشر ته د امنیتي موافقې په اړه ټېلفون وکړ چې د کانګریس د وسله والو خدماتو د کمېټې رييس بک مک کیون په یوه اوږده وینا کې د افغانستان په اړه د اوباما پالیسي وغندله.

نوموړي وویل چې اوباما د افغانستان د جګړې په اړه یوازې څو خبرې کړي او امریکایان یې له هغو پرمختګونو نه دي خبر کړي چې په افغانستان کې د امریکايي پوځیانو د حضور په وجه شوي دي.

8 total views, 1 views today

4 comments

  1. هارون خان Reply

    محترم لیکونکیه که ددی موضوع په اړه ماخذ وړاندی کړې نو ښه به وي. دلته په تند کې د هرې مقالې شته کوم ماخذ نه وي. دا د اخلاقي لحاظه یو پاتۍ کار دی.

    هیله ده چې راتلونکي کې دی ټکي ته جدي پاملرنه وشي.

    په درانښت
    هارون

    1. تاند Reply

      هغه خبر چې سرچینه یې یوه نه بلکې څو وي بیا یې څوک نه یادوي. یوازې د هغه خبر سرچیني حتماً یادوو چې له یوې سرچینې یې نقلوو.
      له تانده وروسته به نورو افغاني رسنیو هم دا خبر خپور کړی وي او یا به یې خپور کړي. بېغمه اوسئ تاند هوايي خبرونه نه خپروي.
      تاند

  2. احمدسليم Reply

    دا تول دروغ،غولول چال, فريب،نيرنګ،تزوير او نهايتا تاکتيکي استعماري ضربتي چالونه دي.که داسي نه وي آن پروسږ پهدسامبر کي به يي اعلان کړي واي چي دادي مونږ له افغانستانه وزو! هره ورځ په هيواد کي تفرقي ته لمن وهي او په درواغو دادي نن وځو دادي سبا وزو دادي هله وزو،بلمقابل کرزي هم ددوي ګداګي دا تول نيرنګونه د امريکا په امر او هدايت پر مخ برابر،که نه نو داسي ناتوان نوکر لکه کرزي او داسي ياغيتوب؟!هيڅکله منطق يي نه متر،يواځي دځان غولول او دهغه غولو سياسيېون او ساده افغانانو غولول نه هيڅ هم ندي!

Leave a Reply

Your email address will not be published. Required fields are marked *