Categories

اعلان

Loading…

دوه سری ښامار/ وحيدالله اکسير

ډيرو ته ولور پيدا کول د دوه سري ښامار په يوه خوله ننوتل او له بلې را وتل دي. چې په دې دوه سري ښامار ور ننوتې، بيا نو بخت او طالع؛ يا به د بېخي درک ورک شي، يا به مړ راووزې او يا زوړ.

د دې لپاره چې د وردګو ځوانان له دې ښامار څخه اقلاً ژوندي راووزي د وردګو سپين ږيري او مشران سره را ټول شول او ولور يې له ۸ او ۹سوه زره افغانيو څخه ۳نيم سوه زره افغانيو ته را کم کړ. دوی همدارنګه د پښتنو د هغه قوانينو له جملې څخه چې په ناپوهۍ سره وضع شوي وو، ځينې سرچپه کړل. د بېلګې په ډول: دوی وويل؛ خور، لور او… به په بدو کې نه ورکوو. واده به د هلک او نجلۍ په خوښه وي او… .

 پورتنۍ خبرې د ښځو په وړاندې د تاوتريخوالي د مخنيوي قانون هم کوي او په ۲۴مه ماده کې يې هغه چاته چې د واده په پلمه خپله خور، لور او… خرڅوي، د ۱۰کاله بند جزا ټاکلې ده. خو د دوی دا خبرې چې کله له راديو او تلويزون څخه نشريږي نو ډير خلک ورته‎ هسې خبرې وايي او وايي چې دا قانون ملاصاحب(طالب) پلی نه کړي، د بل چا له وس تېره خبره ده. خو دا ځل دا فيصله داسې چا کړې چې له طالب او نه طالب دواړو يې زور ډير دی.(د قوم مشران)

په دې هيله چې پېغلې مو په کورونو او ځوانان مو په پرديو هېوادونو کې زاړه نه شي.

116 total views, 1 views today

6 comments

  1. baryal Reply

    الحمدالله چی زمونږ مشرانو نن د اسلام او انسانیت په روح برابری فیصلی کړی دی. د دوی دا تاریخی پریکړی به د تل لپاره زمونږ د بشری تاریخ په روح او روان کی ثبت وی او د وردګو باتور او بشردوسته خلک پدی کار تر ټولو نورو مخکښ شول. هیله ده چی زمونږ نور مشران هم د دوی په پله لاړ شی او له مبتذلو او ملاماتونکو رواجو نه را ووځی او د قرآنی هدایت سره سم چی مبذرین د شیطانانو ورونه دی ځان لری وساتی.

  2. سوله Reply

    اکسير صاحب، لکه چې يوه مهمه خبره د هېره کړې چې د خليفه ګانو صاحبانو په منځ کې يونیم لک افغانۍ ولور دی. که دا درته مهمه نه ده

  3. عزام Reply

    په زړه پوری کاریی کړی ده البته که بالکل یی بندکړی وی نوزیاته به خونده وره وه ځکه په راپورکی راغلی چی
    دافیصله له ملااوطالب نه زوره ورو خلکوکړی یعنی قومی مشران زماپه انددا ښه خبره ده البته ملاصاحب اوطالب
    یی په ښی طریفی سره بنده ولی شی

    1. malang Reply

      عزامه وروره ته چې سوک ځای کړې نوک هم ځايوې

      1. noor Reply

        دا د غلط ليکلی ګرانه، داسې دئ: ته چې نوک ځای کړې سوک هم ځايوې. پوه شوې

Leave a Reply

Your email address will not be published. Required fields are marked *