Categories

اعلان

Loading…

د راډیو نړیواله ورځ/ محمد صادق رښتینی

د ۱۹ پیړۍ په وروستیو کلونو کي د یوه روسيي فزیک پوه لخوا راډیو ته ورته یو اله  رامنځ سوه  چي  صوتي ږغ  به یي په الکترونیکي ږغ بدلوی .

دغه نوی اختراع سوي الې په لومړيو کي د ۶۴ میترو په واټن کار کاوه ، خو وروسته د نورو زیاتو پرمختګونو په زیاتیدو سره ، ايټالوي عالم مارکوني  په 1895م کال کي  دفرېکونسیو په مشخص کولو راډیو جوړه کړه  ، چي  د ۱۹ پیړۍ تر پایه خلکو یو معجزه بلل .

راډیو د تلویزون  ، چاپي خپرونو او انټرنیټ په پرتله زیات مخاطبین لري ، دلیرو پرتو سیمو خلک د بریښنا  . جغرافيې او امنیتي مشکلاتو په وجه  ، د تلویزون پر ځای پر لنډو  او منځنیو څپو ،  د راډیو د لاري  اطلاعات  او معلومات تر لاسه کوي .

راډیو  دخبرونو ، سیاسي  ، اقتصادي ،  تعلمي او نورو پروګرامونو دلاري د خلکو ذهن روښانه کوي  او ددغه اطلاعاتي پروګرامونو ترڅنګ،  دموسیقي په خپرولو سره خلکو ته تفریح هم ورکوي .

په افغانستان کي د نی یا د ازادو رسنیو د ملاتړ ادارې، د معلوماتو پر اساس ،د دغه هیواد کي ۶۳ فیصده خلک راډیو اوري .

د افغانستان داطلاعاتو او کلتور وزارت څخه د ۲۰۰۶  م څخه تر ۲۰۱۰ م  پوري  د کاله ۲۰ راډیو سټیشنونو جواز تر لاسه کړي .

او د ۲۰۱۳ م کال تر پایه پوري، په ټول افغانستان کي  ۱۷۵ راډیو سټېشنونه فعال سوي چي  ددې جملې  څخه یوازي په کابل کي  ۴۲ راډیو ګاني سته او  د هیواد په نورو کوچنیو ښارونو کي هم لږ تر لږه ، دیوې څخه تر ۳ پوري راډیو ګاني سته .

د اټکل په اساس په ټول افغانستان کي ، د ۵۰۰۰ زره په شاوخوا کي خلک په دغه شمیر راډیو ګانو کي کار کوي ،  چي  تقریبا د کاله د ۱۰  څخه تر  ۱۵ میلونه ډالره پوري عاید د اعلاناتو او تجارتي خبرتیاوو دلاری پیدا کوي .

محمدصادق رښتینی

کندهار

۲۰۱۴/۲/۱۳

 

87 total views, 1 views today

Leave a Reply

Your email address will not be published. Required fields are marked *