Categories

اعلان

Loading…

پاکستان د سپنتا د څرګندونو په ځواب کې وویل چې د افغانستان د سولې ملاتړ کوي

تاند- د پاکستان د بهرنیو چارو وزارت د افغانستان د ملي امنیت د سلاکار رنګین دادفر سپنتا پر وروستیو څرګندونو  عکس العمل ښکاره کړ.

سپنتا د پنجشنبې په ورځ د پاکستان د ملي امنیت د سلاکار سرتاج عزیز د څرګندونو په ځواب کې وویل چې اسلام اباد د افغانستان د سولې د بهیر په لاره کې اصلي خنډ دی.

سپنتا دغه راز پاکستان د افغانستان پر خاورې د درنو وسلو د حملو په نتیجه کې د بې ګناه افغانانو په وژلو تورن کړ.

د پاکستان د بهرنیو چارو وزارت د جمعې په ورځ په یوه خبرپاڼه کې کې ووړیل چې اسلام اباد د افغانانو په مالکیت او مشرۍ د سولې د بهیر ملاتړ کوي.

د پاکستان د باندنیو چارو وزارت ویندویې تسنیم اسلم د افغانستان د ملي امنیت د سلاکار د څرګندونو په اړه وویل، د ښاغلي سپنتا خبرې د خواشینۍ وړ دي او د دوو هیوادونو ترمنځ د رغنده روحیې خلاف دي.

اغلې اسلم همداراز وویل، پاکستان له خپل لوري له طالبانو سره د افغانستان د حکومت د سولې په بهیر کې د اسانتیا راوستلو لپاره ډېرې هڅې کړي دي.

دې د مثال په توګه د جنورۍ په اووه ویشتمه د پاکستان او امریکا د هغه ټینګار یادونه وکړه چې پکې پر طالبانو ږغ شوی دی چې د افغانستان له حکومت سره د سولې خبرې پیل کړي.

د پاکستان د بهرنیو چارو وزیرې خپل هیواد د ترهګرۍ لوی قرباني وباله، ویې ویل چې هیواد یې د تروریزم او ترهګرۍ پر ضد د مبارزې لپاره د نړیوالو هلوځلو د جبهې په سر کې دی.

تر دې مخکې د پاکستان د ملي امنیت سلاکار سرتاج عزیز د واشنګټن په یوه پوهنتون کې ویلي و چې ممکن طالبان له ولسمشر کرزي وروسته د افغانستان له راتلونکي حکومت سره خبرې وکړي.

سرتاج عزیز د جنورۍ په ۲۸ مه د جان هاپکنز پوهنتون د نړیوالو څېړنو په پوهنځي کې وویل:«پاکستان باوري دی چې که طالبان د افغانستان له نوي حکومت سره خبرو ته لېواله وي په دغه هیواد کې د سولې د درېدلي بهیر د بېرته پیلېدو چانس شته.»

ده همداراز وویل:«زه داسي احساسوم چې په افغانستان کې به له انتخاباتو وروسته طالبان احتمالاً د دغه هیواد له نوي حکومت سره خبرو ته زیاته لېوالتیا ولري.»

سرتاج عزیز هیله څرګنده کړه چې د ۲۰۱۴ کال تر پای ته رسېدو مخکې به خبرې پیل کړای شي.

خو سپنتا د سرتاج عزیز د څرګندونو په غبرګون کې وویل، د پاکستاني حکومت پر نیت شک نه لري، خو د پاکستان پوځ دې د افغانستان په اړه خپله تګلاره بدله کړي.

«د پاکستان د حکومت اعلان ته منتظر یو، چې ووايي، د پاکستان لپاره سوله د افغانستان لپاره سوله ده اوپه  دواړو هېوادونو کې د سولې لپاره له موږ سره کلکه همکاري وکړي. افغانستان حاضر دی، په پاکستان کې په سوله کې مرسته وکړي او موږ منتظر یو چې پاکستان هم همداسې وکړي.»

7 total views, 1 views today

1 comment

  1. محمد څپاند Reply

    مننه سپنتا صیب د ستا د څرګندونو نه د سوک جواب په سوک ورکول کیږی او بل دا چه اوسپنه په اوسپنه ماتیږی

Leave a Reply

Your email address will not be published. Required fields are marked *