Categories

اعلان

Loading…

په پنجاب کې پر شیعه لمونځ کوونکو په برید کې ۱۰ تنه ژوبل شول

تاند- د پاکستان امنیتي چارواکي وايي چې تېره شپه نا پېژندویو وسله والو په پنجاب ایالت کې پر شیعه لمونځ کوونکو ډزې وکړې او لږترلږه لس تنه یې ژوبل کړل.

د يپنجاب ایالتي پولیسو خبریالانو ته وویل، حمله کوونکو، په چکوال ښار کې د شیعه ګانو په یوه جومات کې پر لمونځ کوونکو د ماخوستن د لمانځه په مهال ډزې وکړې.

مرستندویې ډلې، چې له پېښې وروسته د ټپیانو د درملنې لپاره جومات ته تللي، وايي چې لس تنه ټپیان یې د چکوال روغتون ته رسولي دي.

تراوسه پوري کومې ډلې د دې برید مسوولیت په غاړه نه دی اخیستی او پولیسو هم څوک په دې پېښه کې د لاس لرلو په تور نه دي نیولي.

پولیس وايي، داسي ښکاري چې دا برید په اسلام اباد کې د اهل سنت والجماعت د ډلې د دوو مشرانو د وژل کېدو په وړاندې د سخت دریځو سني ډلو غچ اخیستونکی اقدام وي.

په همدې حال کې د اسلام اباد پولیسو وویل چې ناپېژندویو وسله والو د اسلام اباد په اووم سکټر کې فرقان چوک ته نژدې د اهل سنت والجماعت ډلې د عمومي منشي مفتي منیر احمد معاویه پر موټر ډزې وکړې او نوموړی یې وواژه.

په دې برید کې د دې ډلې یو بل مشر اسد محمود هم وژل شوی دی.

تراوسه هیڅ ډلې د دې برید مسوولیت منلی نه دی خو باور کېږي چې دا برید به سخت دریځو شیعه ګانو کړی وي.

پاکستان له ډېرو کلونو راهیسي د مذهبي فرقه پالنې ښکار دی. تر یوه حده د پاکستان ایډیالوژي، چې دوی یې د پاکستان د بقا راز بولي، فرقه پالنې ته لار اواره کړې او تر یوه بریده د سعودي او ایران سیالیو فرقه پالنې ته لمن وهلې ده.

6 total views, 1 views today

Leave a Reply

Your email address will not be published. Required fields are marked *