Categories

اعلان

Loading…

د سعودي عربستان د بهرنیو چارو وزیر د افغانستان پر سولې د خبرو لپاره اسلام اباد ته ځي

تاند- د سعودي عربستان د بهرنیو چارو وزیر د افغانستان د سولې د بهیر او د سیمه ییزو پرمختیاوو په اړه پاکستان ته رسمي سفر کوي.

د پاکستان دولتي راډیو نن /پنجشنبه/ د دغه هیواد د بهرنیو چارو وزارت له قوله وویل، د سعودي عربستان د بهرنیو چارو وزیر سعود الفیصل به د راتلونکې اوونۍ د دوشنبې په ورځ /جنوري ۱۲/ جدي ۱۶/ په اسلام اباد کې له صدراعظم نوازشریف او ولسمشر ممنون حسین سره د اسلام اباد- ریاض د اړیکو او د افغانستان د سولې د بهیر په اړه خبرې وکړي.

دا به لومړی ځل وي چې سعودي عربستان د افغانستان د سولې په بهیر کې تر دې حده ځان داخلوي. د افغانستان ولسمشر حامد کرزي څو ځلي پر سعودي عربستان ږغ کړی چې د افغانستان د سولې او پخلاینې په بهیر کې رول ولوبوي خو سعودیانو د افغانستان د حکومت غوښتنې ته جدي ځواب نه و ویلی.

د پاکستان د دولتي راډیو د راپور له مخې د سعودي عربستان له بهرنیو چارو وزیر ښاغلي سعود الفیصل سره به یو جګپوړی سیاسي او اقتصادي پلاوی هم ملګری وي څو د پاکستان له چارواکو سره د افغانستان د سولې د بهیر او د روان ۲۰۱۴ کال په پای کې له افغانستانه د نړیوالو ځواکونو له وتلو وروسته د افغانستان د حالاتو په اړه خبرې وکړي.

د پاکستان راډیو ویلي چې د سعودي او پاکستان چارواکي به په افغانستان کې د سولې د رامنځته کېدو لپاره د طالبانو، امریکایانو او افغان چارواکو د سولې د درېدلو خبرو په اړه هم وږغېږي.

له طالبانو سره د سولې بهیر تېر کال دوبی وروسته له دې تم شو چې طالبان په قطر کې پر خپل تازه پرانستل شوي دفتر خپل بیرغ او د اسلامي امارت لوحه ولګوله.

په همدې حال کې پاکستاني رسنۍ وايي چې ممکن د سعودي عربستان د بهرنیو چارو وزیر له پاکستاني چارواکو سره د پروېز مشرف د محاکمه کېدو په اړه هم خبرې وکړي.

مشرف د خپلې واکمنۍ په موده کې له سعودي عربستان سره ښې اړیکې لرلې او د سعودي په غوښتنه یې نوازشریف خوشي کړ او دغه هیواد ته یې ولېږه.

مشرف نن /پنجشنبه/ محکمې ته په لاره و چې د زړه حمله پرې وشوه او د محکمې پرځای روغتون ته لاړ.

307 total views, 1 views today

1 comment

  1. Alamoona gharkaweena Reply

    zma khial dai che Saudi wazir Pakistan ta siraf da Parvez Musharaf pa mamila khabaro ta rarawan dai.Afghanistan pa bara ke khabare ya pa agenda ke nashta.

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2