Categories

اعلان

Loading…

د ولسمشرۍ د کاندیدانو له لیسته د ځینو کسانو د ایستل کېدو پر احتمال د مشرانو جرګې بحث

تاند- مشرانو جرګې د ولسمشرۍ د انتخاباتو د کاندیدانو له لیسته د جنګي جنایتکارانو او غاصبانو د ایستلو په اړه تاوده بحثونه وکړل.

د مشرانو جرګې یو شمېر غړیو وویل، داسي ویل کېږي چې اکثره کاندیدان به په دې خاطر د کاندیدانو له لیسته وایستل شي چې جنګي جرمونه یې کړي او یا د مځکو په غصب کې لاس لري.

خو ځینو نورو سناتورانو له دې نظر سره مخالفت وښود.

دوی وویل، که یو شمېر کاندیدان په دې تورونو له لیسته وایستل شي، د افغانستان حالات به کړکېچن شي.

د مشرانو جرګې غړي هدایت الله رهايي وویل:«داسي اوازې شته چې د ولسمشرۍ یو شمېر کاندیدان د مځکو د غصب، جنګ سالارۍ، جنګي جنایتونو او د بشري حقونو د سرغړونې په تورونو د انتخاباتو د کاندیدانو له لیسته ایستل کېږي خو زما په نظر که دا کار وشي دا به د هغوی پرضد یوه دسیسه وي.»

رهايي زیاته کړه:«د افغانستان حکومت په ځلونو طالبانو ته بلنه ورکړې چې په انتخاباتو کې ګډون وکړي حال دا چې طالبانو د افغانستان د خلکو پرضد وژنې، ځانمرګي بریدونه، او نورو جنایتونه کړي دي او لا یې هم کوي.»

د مشرانو جرګې یوه بل غړي خالق داد بلاغي وویل:«خبرې روانې دي چې د ولسمشرۍ د کاندیدانو له لیسته د اوو تنو نومونه لېري شي او یوازې څلور تنه د ولسمشرۍ د انتخاباتود کاندیدانو په نهايي لیست کې پاتې شي.»

د بلاغي په باور که داسي وشي دا به د افغانستان د راتلونکې لپاره ښه نه وي.

په همدې حال کې، د مشرانو جرګې یو شمېر نورو غړیو د ولسمشرۍ د انتخاباتو د کاندیدانو پرخلاف د جنګي جنایتونو د تورونو څېړل ښه کار وباله.

سید اغا حسین هاشمي وویل:«د افغانستان جهاد ۱۴ کاله و، زه په خپله مجاهد وم، له جهاده وروسته ځینو کسانو جنایتونه وکړل او له دې لارې یې شتمنۍ ټولې او غصب کړې، پکار ده چې د هغوی دوسیې وڅېړل شي.»

د مشرانو جرګې یوې بلې غړې بلقیس روشن وویل، جنایتکار جنایتکار دی، هغه کاندید یا مرستیال یې چې لاسونه یې د خلکو په وینو ککړ دي هیڅوک نه شي پټولی.

د جرګې بلې غړې لیلما احمدي هم وویل چې که د څېړنو په نتیجه کې په جنایتونو کې لاس لرونکي کاندیدان حذف شي دا به یې هرکلی وکړي.

د مشرانو جرګې مرستیال محمد علم ایزدیار وویل، باید د بشري حقونو له سرغړونکو سره قانوني چلن وشي.

څه موده مخکې د افغانستان د انتخاباتي شکایتونو کمیسون ویلي و چې د ځینو کاندیدانو پرضد د جنګي جنایتونو او د مځکو د غصب شکایتونه ورته شوي دي. دې کمیسون ونه ویل چې د چا پرضد شکایت شوی دی. خو ویې ویل چې شکایتونه یې سترې محکمې ته سپارلي ځکه چې د انتخاباتي شکایتونو کمیسون د دې ډول مسلو د څېړلو واک نه لري.

22 total views, 1 views today

7 comments

  1. عبداله کابلی Reply

    یره که دا کار دمشرانو جرګه وکړی نو دابه دافغانستان په تاریخ کی یوه نه هیریدونکی جرګه وی، زه خو وایم هسی هم دمشرانو جرګه یو څو میاشتی وروسته ختمیږی ، ښه به داوی چه ژر ترژره فیصله وکړی، اودهیچا په قیصه کی نشی

    بیا هم وایم که دمشرانو جرګه دغه پریکړه وکړی نو دافغانستان دخلکو ۳۵ کلنه تنده به ماته کړی

  2. Raz Akhonzada Reply

    زه تاسو د تاند چاونكو سلامونه لرم خو زما عرض دادى چه په گيمونو مونگه لونى كرو

  3. وطن دوست Reply

    اګر که دا یو ډیر نیک اقدام ده ولی په دی نازکو حالاتو کی که چیرته داکسان له لیست نه ویستلی شی دابه روان ترینګلی وضعیت نور هم خراب کړی . ددی پرځای باید درای ورکونکو دپوهاوی د کچه په لوړولو ډیر کار وشی ترڅو خلک په خپله جنایت کاران مستر کړی. .

  4. حامد Reply

    حضرت قانع صاحب فرماییلي: کمال د … مداري دچالاکۍ دی- له منتر سره پخیږي جنتر په پارلمان کې. بیا چا په لکۍ درلوې ده د شمرانو جرګه. په غلو او آدمکشانو عدالت کړئ؟! جنایتکار که کاندید وي که غیر کاندید، جنایتکار دی او باید عدالت پرې پلی شي مګر په چا به عدالت کړئ، کلونه کلونه کیږي چې دا وحشي قاتلان ټولو ته لمر په شان مالوم دي ولې حالا چرا ؟؟؟

  5. سیناک احمدزی Reply

    دا یوه سیاسي لوبه ده دغه کسان چي غواړي جنایتکاران او د بشري حقونو سرغړونکي له لیسته وباسي په خپله جنایتکاران دي غل به د غل لاړه سنګه ونیسي او بله دا چي په دا دولس کلنه دوره کي دوي چیرته وو چي اوس په دي حساسو شیبو کي له داسي یو عمل تر سره کړي چي هیواد په ډیر نازک حالت کي قرار لري
    اصلي موضوع او هدف یواځي او یواځی ډاکټر صاحب اشرف غني ده چي د هغه لومړي مرستیال فهیم قسیم ده اوس چي ټولي ډلي ټپلي په دي پوهه شوي چي راتلونکي ولسمشر ښاغلی ډاکټر صاحب اشرف غني ده نو اوس له دي لاري غواړي چي د ولسمشری له لیسته یی لري کړي او د ځان لپاره خپله مخه اوزګاره کړي
    باخبر بله هیڅ خبره نشته نه دافغان ملت په درد دردمند دي او نه د عدالت پلي کونکي دي او نه ددوي هدف دادی چي جنایتکارانو ته سزا ورکړي او نه افغان ولس د جنایتکارانو څخه ژغوري یواځینی هدف یی د ستر مفکر ښاغلي ډاکټر صاحب اشرف غني احمدزي د نوم حذف ده

  6. سپين Reply

    دې ته خو دمشرانوجرګه په هېڅ وجه نه شو ويلای .داخو دحکومت غوره شوي غداران ،غوړه مالان اوټوپکماران دي. ددې بېسوادانو کومه پرېکړه ددې خوارملت درنځ دواوه،چې اوس دې دابېځايه اوبې وخته کړنه وستايل شي. هو په دې کې هم دپښتون ټبر پرضد دپرديپالو چلوټه ده.

  7. سید الر حمن زیا ر مل Reply

    مشرانو جرګه عدلی او قضای اور ګا نونه قضی لټوی دقضیو دحل پر وا ورسره نشته
    بل داچه جنایت چا نده کړی هر کس تر خپل توان پوری دجنا یت نه خو ند اخیستی حتی تر پیا ده پوری رچا سره محا سبه شو یده پیا داګان دقصرو او ما ڼیو حا وندان شول دچا دلاسه ؟اوس تا سو او ستا سو سا لم قضا وت.

Leave a Reply to وطن دوست Cancel reply

Your email address will not be published. Required fields are marked *