Categories

اعلان

Loading…

د ماین چاودنې په کندهار کې ۱۰ وراوالو ته مرګ ژوبله واړوله

تاند- د کندهار په میوند ولسوالۍ کې د وارا والو د موټر په لاره کې د ماین په چاودنه کې لس تنو ته مرګ ژوبله واوښته.

د کندهار ولایت چارواکي وايي، دا پېښه د میوند ولسوالۍ په شېرعلي کارېز کې هغه مهال وشوه چې د وراوالو موټر له دې سیمې څخه تېرېده.

د کندهار د والي ویندوی وویل په دې چاودنه کې، چې نن مازدیګر وشوه، د موټر دوه سپرلۍ وژل شوي او اته نورې ژوبلې شوي دي.

د ده د معلوماتو پراساس اکثره ټپیان ماشومان او ښځې دي.

د کندهار چارواکي وايي چې ماین د وسله والو طالبانو له لوري اېښودل شوی و خو وسله والو طالبانو تراوسه پوري په دې اړه څه نه دي ویلي.

د سرک د غاړې ماینونه په اکثرو مواردو کې د ملکیانو د مرګ ژوبلې سبب کیږي.
د افغانستان د کورنیو چارو وزارت وايي، د سرک د غاړې ماینونه د افغان امنیتي ځواکونو او عامو خلکو لپاره لویه ستونزه بولي.

د دې وزارت ویندوی صدیق صدیقي وايي، په مخامخ جګړه کې د ماتیدو له امله طالبانو د بهرنیو کړیو په لارښونه د سرک د غاړې د ماینونو د کارولو تاکتیک ته زور ورکړی دی.

د صدیق صدیقي په وینا افغان امنیتي ځواکونو په تیرولسو میاشتوکې د هېواد په مختلفو برخو کې شاوخوا درې نیم زره ماینونه کشف او خنثې کړي دي.

171 total views, 2 views today

1 comment

  1. Zek Pakhtoon Reply

    طالبانو د ننګرهار ولایت په روداتو والسوالی کې بیګاه شپه هغه ملا امام وواژه کوم چې د پچیر و اګام والسوالی د امنیه قومندان محب الله جنازه څو ورځي وړاندی ګړی وه؟؟؟؟؟؟؟؟

Leave a Reply

Your email address will not be published. Required fields are marked *

۸