Categories

اعلان

Loading…

تر بل هر وخت زیات امریکایان د افغانستان د جګړې مخالفت کوي

تاند- په امریکا کې له یوې تازې نظرپوښتنې سره سم، چې د روان دسمبر د دوولسمې او پنځلسمې ترمنځ د واشنګټن پوسټ ورځپاڼې له لوري شوې، نسبت هر بل وخت ته زیات امریکایان په افغانستان کې د امریکا له جګړې سره مخالف دي.

په درو کې دوو برخو پوښتل شویو امریکایانو ویلي چې په افغانستان کې د امریکایانو جګړه په هغو قربانیو او مصرفونو نه ارزي چې امریکایانو په دوولس کلونو کې په غاړه اخیستي دي.

د دې نظرپوښتنې له مخې، چې واشنګټن پوسټ ورځپاڼې کړې ده، اکثریت امریکایانو لا هم د ۲۰۱۴ کال په پای کې له افغانستانه د ټولو محاربو پوځیانو له وتلو وروسته د یو شمېر امریکايي ځواکونو د پاتې کېدو ملاتړ کړی دی.

په سلو کې ۶۶ پوښتل شویو کسانو ویلي چې دا جګړه په دې نه ارزي چې امریکایان دې د هغې لپاره خپلې وینې وبهیوي یا دې پیسې ولګوي.

هغوی چې ځانونه ازاد یا لیبرال معرفي کړي، نظرپوښتونکو ته ویلي چې په افغانستان کې پر پوځي پانګونې خوابدي دي، په سلو کې ۷۸ ویلي چې دا جګړه یوه تېروتنه وه.

په سلو کې ۶۷ پوښتل شویو دیموکراتانو، ۶۱ محافظه کارانو، ۵۴ جمهوري غوښتونکو او ۷۱ بې پلوو ویلي چې په افغانستان کې د امریکا پر جګړې سخت اعتراض لري.

د اې بي سي نیوز د راپور له مخې د دې نظرپوښتنې نتیجې تر دې حده د افغانستان له جګړې سره د امریکا د عامه ذهنیت مخالفت ښيي چې د ۲۰۰۳ او ۲۰۱۱ کلونو ترمنځ د عراق له جګړې سره یې ښودلی و.

امریکا دوه کاله پخوا له عراقه خپل پوځیان وایستل.

د آی کژولټي ویبپاڼې د راپور له مخې د عراق په جګړه کې ۴۴۸۶ امریکايي پوځیان ووژل شول.

د دې ویبپاڼې د شمېرنو پراساس د تېرې جمعې تر ورځې پوري په افغانستان کې ټولټال ۲۳۰۰ امریکايي پوځیان وژل شوي دي.

تراوسه پوري په افغانستان کې د پاتې کېدونکو امریکايي پوځیانو یا روزونکو د شمېر په اړه پرېکړه نه ده شوې.

د مشورتي لویې جرګې له تایید سره سره د افغانستان ولسمشر حامد کرزی حاضر نه دی چې له امریکا سره دوه اړخیزه امنیتي موافقه لاسلیک کړي.

کرزي ویلي، که یې شرطونه ونه منل شي، موافقه نه لاسلیکوي او په دې اړه دې راتلونکی ولسمشر، چې د ۱۳۹۳ لمریز کال د حمل د شپاړسمې نېټې د انتخاباتو په نتیجه کې غوره کېږي، پرېکړه وکړي.

امریکايي چارواکي پر کرزي فشار راوړي چې دا موافقه ژر تر ژره لاسلیک کړي څو پنتاګون له ۲۰۱۴ وروسته په افغانستان کې د پاتې کېدونکو پوځیانو لپاره پلان او بودجه برابره کړي.

236 total views, 1 views today

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2