Categories

اعلان

Loading…

خوب وینم عالمه…. / احسان الله درمل

د دوه زره دویم کال جنوري ده، پوهاندان، پروفیسران، پوهنوالان، متخصصین ټول پر صحت عامه وزارت ورمات دي او په ښیښو کې لګیدلي اعلانونه لولي. ټول تر یو بل وړاندې کېږي، سپین ږیري پروفیسران عینکې په رومالونو پاکوي او تر نورو ډېر په کش کې دي، ګویا زیات حقدار دوی دي. ځوان ډاکتران ډلې، ډلې کېږي او پسپسي کوي، چې سپین ږیري نور نو باید له صحنې ایسته شي، راتلونکی زموږ دی، دوی به پنځه کاله وروسته د کار حوصله نلري، ښه ده، چې ځوانان لاړ شي او له زیاتې انرژۍ سره بېرته راستانه شي، پدې توګه به ډېر عمر خدمت وکړای شي. د ولسمشر په حکم کې راغلي، چې دوه سوه تکړه، ډاکټران دې امریکا، هند، کاناډا او نورو پرمختللیو هېوادونو ته د تخصصي زده کړو لپاره لاړ شي، دوی دې یوازې په یوه، یوه وړه رشته کې تر اخري حده وروزل شي، بېرته چې راشي، د ټریننګ لپاره یو لوی روغتون ورته سپارل کېږي، دوی به پدې روغتون کې هر یو د یوې برخې پروفیسر کېږي، وروسته به دوی له ځوانو ډاکترانو نه ازموینه اخلي، هغوی به د خپلې خوښې رشتو ته ځي او په دې توګه ممکن په راتلونکو لسو کلونو کې افغانستان د ګاونډیو هېوادونو په کچه لوی ډاکتران ولري.

د دوه سوه کسانو لپاره شرایط ټاکل شوي، عمر، طبي پوهه او ژبې. د جنوري لسمه نیټه د ازموینې لپاره ټاکل شویده، ټول ډاکتران دې، خپل اړین ډاکومنټز تر پنځمې نېټې وړاندې وزارت ته وسپاري، پر اوومه نیټه د هغو کسانو لېست اعلانېږي، چې شرایط یې پوره کړي او په لسمه نېټه به ازموینه وي. په اوومه نېټه د پنځوسوو کسانو نومونه په لېست کې راووتل، په لسمه نېټه د ازموینې اعلان لګېدلی او له دې پنځوسوو به دوه سوه کسان غوره کېږي. ځه شکر ډیری نومونه د ځوانانو دي، ښایي دوی ډېر څه زده کړای شي. ورک صیب مې ولیده ورته مې کړه:

–         څنګه شوې ورک صیب؟ خوشال خو مالومېږې.

–         والله امریکا ته یې د کارډیولوژي لپاره غوره کړی یم، پنځه کاله ده، یاره ښه سندرمار مسلک دی.

–         ښه ځه شکر، مبارک شه، ډېر خوښ شوم، نو کله ده د تګ نېټه له خیره؟

–         بس څومره زر چې کېږي، ویزه او پاسپورټ یې غوښتي، تر راتلونکې میاشتې باید ځانونه هلته ورسوو، دا کال مو هم د پروګرام برخه ده.

–         والله عجیبه ونشوه؟

–         یاره د ناصري صیب خبره د خانه اوبادي زوی د لومړي ځل لپاره نښه ووېشته.

–         تر تګ وړاندې به یوه شپه سره کېنو، چې موسیقي خو واورو.

–         هارمونیه مې پیدا کړې، دانش لالا، ناصري صیب او ټول دوستان راخبروو، بېغمه اوسه، فون درته کوم.

–         چې هېر مې نکړې، تر هغې دې په خدای (ج) سپارم.

–         مننه، زه ځم چې کارونه مې زر خلاص کړم.

****

د دوه زره شپږم کال د ډسمبر شلمه نېټه ده، پنځه ورځې وروسته د دوه سوه روزل شویو ډاکترانو د راګرځېدو نېټه ده، نن ولسمشر هغه لوی روغتون افتتاح کوي، چې د شیرپور په ټوله ځمکه کې جوړ شویدی. دا  نو روغتون ندی، یو خیالي تاج محل غوندې دی، دا ځای امریکایي ډونرانو د روغتون لپاره غوره کړی و، بیا وزیران، وکیلان او نور چارواکي د ولسمشر د حکم په احترام له دې ځایه تېر شول او ساحه یې روغتون ته خوشې کړه. پنځه کاله کېږي، چې پر دې روغتون کار روان دی، ټول وارډونه یې بېل، بېل دي. تشخیصیه برخه یې خورا لویه ده، چې ټول پرمختللي معاینات پکې ترسره کېږي. د وارډونو نقشه یې داسې اچول شوې، چې که له الوتکې یې ووینې نو په انګلیسي تورو د افغان ټریننګ هسپتال منظره ورکوي. دا دی، په تلویزون کې د روغتون د افتتاح مراسم دي. د روغتیا وزیر د ولسمشر تر څنګ ولاړ دی او د پټۍ پرې کولو مراسم تر سره کېږي. لوی سټیج تیار دی او اوس ولسمشر د روغتون په اړه وینا کوي:

( وروڼو، خویندو، د کابینې غړو، وزیرصاحبانو او ګرانو میلمنو، اسلام علیکم، خدای مو راوله، خدای مو راوله!

پنځه کاله وړاندې ماته په روغتیایي چارو کې زما مشاور وزیر صاحب یوه ډېره نیکه مشوره راکړه، مشوره ددې روغتون په اړه وه، چې موږ باید په خپله خاوره کې یو داسې لوی روغتون ولرو، چې هم له هرې خوا مجهز وي او هم پکې زموږ ځوان ډاکتران وروزل شي، ددې کار لویه ګټه دا په نظر کې نیول شوې وه، چې افغانستان په راتلونکو لسو کلونو کې د روغتیا په برخه کې پخپلو پښو ودریږي او نور نو زموږ مظلوم هېوادوال، د پاکستان، هندوستان او نورو ګاونډیانو له احتیاجه خلاص شي. ما د دې کار لپاره له امریکایي ډونرانو سره خبرې وکړې او هغوی دا پروسه پرته له کوم دلیله په ورین تندي ومنله، پدې توګه زه له ټولو هغو مرستندویانو مننه کوم، چې په افغانستان کې د زیربنایي کارونو په پرمختګ کې مرسته کوي، افغانان به هېڅکله د دوی مرسته هېره نکړي. څو ورځې وروسته به انشاءالله زموږ ځوان ډاکتران له نوې عصري طبي پوهې سره راوګرځي، دوی هر یوه په زړه، دماغو، سږو، پښتورګو، معده، ینه، هډوکو، سترګه، غوږ، پوزه، مریو او نورو او نورو برخو کې تخصصي زده کړې کړیدي. ما د خپلو سفرونو پر مهال دوی له نږدې ولیدل، ډېر بااستعداده وو او انشاالله د افغانستان د طبابت راتلونکی به دوی جوړوي.

خو دا زموږ اخره مرحله نده. اوس نو د دې دوو سوو کسانو مسوولیت پیل کېږي، چې د ځان په څېر په زرګونو نور ځوان ډاکټران وروزي، موږ به یو، یو وارډ د یو، یو ډاکتر په نوم ونوموو، بیا به هغه ته صلاحیت ورکړو، چې د خپل وارډ لپاره د سالم رقابت له مخې ډاکتران جذب کړي او له هر یوه سره پنځه کاله نوره خواري وکړي، چې خپله راوړې علمي سرمایه نورو ځوانو ډاکټرانو ته انتقال شي. موږ غواړو، چې د هر وارډ مشر په کال کې اقلا پنځوس نوي ډاکټران ورجذب کړي او په دې توګه به په کال کې لس زره ځوان ډاکټران د تخصصي زده کړو لپاره جذب شي. په راتلونکو پنځو کلونو کې باید د افغانستان طبابت دې حد ته ورسېږي، چې نور نو زموږ له پولو نه زموږ مظلوم هېوادوال د صحت لپاره وا نه وړي. هغه پیسې چې افغانستان یې هر کال ګاونډیو هېوادونو ته د صحت لپاره ورکوي، باید دلته زموږ په هېواد کې په تعمیري او روغتیایي چارو مصرف شي. زموږ راتلونکی پلان د دوایانو د یوې لویې او سټنډرډ کمپنۍ جوړیدل دي، چې په افغانستان کې د بې کیفیته درملو د استعمال کچه راټیټه شي. زه به له راروانو ډاکترانو سره یوه ناسته جوړه کړم، د هغوی خاطرې او لاسته راوړنې به واورم او بیا به د دې روغتون د پرمختګ لپاره له هغوی سره په ګډه یو پلان ترتیب کړو. ټولو ته دې مبارک وي، خصوصا د عامې روغتیا وزیر صاحب ته، خدای مو راوله!)

****

د دسمبر پېنځه ویشتمه ده، ډاکتران، عام خلک او د تللیو ډاکترانو د کورنیو غړي، په کابل هوایي میدان کې راټول دي. نن د ټولو ډاکترانو د راتګ ورځ ده، له خلکو سره په لاسونو کې د ګلونو امیلونه دي او د ډاکترانو د هرکلي لپاره راز، راز ډالۍ. د روغتیا وزیره له خپل ټول جاه و جلال سره د ډاکترانو لپاره ولاړه ده. هغه دي، ټول له خپلو بکسونو سره راروان دي، ورک صیب څومره ښکلی شویدی، اوهو له لیرې ښکاري، ته صبر چې ورمنډه کړم.

–         په خیر، په خیر ورک صیب نه رښتیا وبښه اوس نو متخصص صیب!

–         د طنزونو وخت ندی، دا بکس مې دروند دی، در نیسه یې، او رښتیا ناصري صیب نه وو؟

–         ټول راغلي ول، خو ستاسو راتګ وځنډېد، بیا نو ګالو ته ولاړل، وې یې چې راورسېږي، موږ ته ووایه.

–         ښه خیر سره وبه ګورو، نور نو څه کیسې دي؟

–         کیسې خو ته کوه، څنګه تېر شول دا پنځه کلونه؟ یره سخت جانانه او سندرمار روغتون یې درته جوړ کړیدی، د کارډیولوژۍ وارډ یې ستا په نامه کړیدی.

–         هو خبر شوم، یاره پوښتنه مکوه، بیا به په کراره کیسې وکو، خو په لنډو یې دومره درته وایم، چې ژوند او طبابت مې ایله وپېژندل، زړه نو دا زړه ندی، چې موږ او تاسو یې څلور چمبرونه پیژندل، یاره سم د بغداد ښار دی، په زرګونو لارې او کوڅې لري. اوس نو مسولیت دا دی، چې دا راوړی پیټی دلته ځوانانو ته وروسپارم. هیله ده، چې رسمي کارونه زر پیل شي.

*****

ـ بلې، اسلام علیکم پروفیسر صیب!

–         وعلیکم، راوګرځیدې؟

–         هو والله، په پېښور کې خورا ګرمي وه، په کتابونو پسې ډېر درته وګرځیدم.

–         پیدا شول که یه؟

–         هو اخر پیدا شول، کرنټ دوه زره دیارلس مې پیدا کړ، د برنډوال نوی ایډیشن، هرټس مې هم درته راوړ او ډرګ فور دی هرټ هم دوه زره دیارلس کې اتم ایډیشن راغلی و.

–         یاره خانه دې اوباده، ودې ګټلم.

–         خو زما یو کار به کوې.

–         کوم کار؟ وایه!

–         په تاروجبه کې مو یو ګاونډی و، هغه مې ولیده، د زړه کوم جدي تکلیف لري، وایي په پاکستان کې نه تداوي کېږي، چا ستا ادرس ورکړی و، ما په څه ستونزو تر کابله راورساوه، سبا یې درلیږم، غریب سړی دی، که کار یې وشي.

–         سمه ده، له نهو بجو وروسته مې په روغتون کې موندلی شي، زما شمېره ورکړه.

–         په سترګو، خدای دې ونازوه!

–         مننه

****

زنګ راويښ کړم، اوهو دا خو د روغتون د موټر ډرایور و، لکه ناوخته مې کړ او موټر تېر شو.

دا لیکنه په محور ورځپاڼه کې خپره شوې.

281 total views, 2 views today

2 comments

  1. ګل لا لا Reply

    یره ښکلې او رشتونې ښکاری. طب خو هم خلکو ته ګټه ر سوي او هم ډاکټر تهږ خو اصلي ګټّ به یې داوه چې چې ډاکټر ورک هما غلته امریکا کې پاتې وای

  2. dr abdul basir Reply

    داكتر احسان الله درمل صاحب سلامونه مي ومنه
    ديره شه ليكنه وه افغانستان نن هم فه طبابت كي صفر دي او دولس كاله د خوب فه رقم راباندي تير سول يو سه لز جي فرمختك سويدي هغه هم هر يو فه خفل شخصي مصرف تللي دي او يو سه يي زده كري
    درمل صاحب زما تيليفون دوه واري ورك سو د اكثره همصينفيانو نمبرونه راسره نه سته فر دغه ايميل ادرس تماس ونيسه بيا به خبري سره كوو
    [email protected]

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور
  • 1
  • 2