Categories

اعلان

Loading…

لاس تر زنې ورته ناست یوو/ احمد فرید قیومي

د هېواد سمسورتیا او پاک چاپیریال د ژوند اړتیا ده، دا اړتیا به څنګه پوره کېږي، د راتلونکي کال د ټول ټاکنو لپاره احتمالي لسو کاندیدانو خپلې راتلوونکې برنامې له طلوع تلویزیون سره په مرکو کې څرګندې کړې او دا لړۍ لا هم روانه ده، هر یوه خپله برنامه د خپل لیاقت استعدا او تېرو تجربو په اساس تشریح کړه، چا له شرقه او چا له غربه خپلې برنامي سره پیوند کړې، د ځینو لا دومره غیر مسلکي او غیر علمي برنامې وې، چې پدې وطن کې یې تطبیق ناممکن دی، هېڅ یو نوماند هم د هېواد سمسورتیا، د طبعي ځنګلونو او نورو طبیعي منابعو د ساتلو، د هغو د بیا رغولو، د هغو په غیر قانوني توګه د قاچاقولو، په لویو ښارونو کې د چټلې هوا، خرابو اوبو، د غیرمعیاری لوړ پوړو ودانیو د جوړولو او نورو په اړه هېڅ  هم ونه ویل، په داسې حال کې چې په نوره نړۍ کې د چاپیریال ساتنې موضوع د سیاست او سیاستوالو د راتلونکو برنامو یوه مهمه برخه تشکیلوي.

دلیل یې معلوم دی او دا ددې لپاره چې هغوی پدې پوهېږي چې یو هوسا او سمسور چاپیریال کولای شي د خلکو په روغتیایي، اقتصادي او اجتماعي حالت مثبت اغېز ولري، خلک ښه ژوند وکړي او له ژوند څخه خوند واخلي نه دا چې تنها ژوندی پاتې شي، که له یوه خوا مو نیابتي بدرنګه جګړه ختموي، نو له بلې خوا مو په لویو ښارونو کې دا خرابه هوا او خرابې اوبه د تدریجي مرګ تر پولې رسولی شي.  کچېرې دا مهال د هېواد په پلازمېنې او لویو ښارونو کې د خلکو ژوند هر اړخیز مطالعه شی، دا خلک له ګڼو ستونزو سره لاس و ګرېوان دي، د کابل او نورو لویو ښارونو هوا ورځ تر بلې د خرابېدو په حال کې ده، دا هوا په مختلفو زهري موادو ملوثه او د ځمکې لاندینۍ اوبه یې هم ورځ تر بلې د کمېدو په حال کې دي، چې که دا حالت دوام پیدا کړي، نو په (۲۰۲۰ م کال) کې به کابل ښاریان د اوبو له سخت کمښت سره مخامخ شي.

د کابل ښار د هوا د خرابېدو ستر عامل خراب سړکونه دي، هغه چې وایي: ((په بدن کې دې رګونه په هېواد کې سرکونه!)) بې له شکه چې سرکونه د یوه هېواد په پرمختګ  داخلي او خارجي ترانزیت کې خورا مهم رول لوبوي، د توکو له بیې سره مستقیمه اړیکه لري، له بلې خوا کولای شي د یوه هېواد د هوا په پاکوالي کې هم خپل مثبت رول ولوبوي. دا مهال د کابل وران او ویجاړ سړکونه او خامې کوڅې د هوا د چټلتیا لوی عوامل په ګوته کېږي، چې نه ورته کابل ښاروالۍ او نه د ټولګټو وزارت جدي پاملرنه لري، پردې سربېره نه کابل ښاریان د خپلو خامو کوڅو په پخولو او پکې د ونو په کېنولو او پاللو، د کثافاتو په راټولولو او خوندي ځایونو ته یې په انتقالولو کې برخه اخلي، دوی لاس تر زنې ورته ناست دي.

دا ټول ټولنیز او ګروپي کارونه یوازې د ښاروالۍ د تنظیف د ریاست د ۳۰۰۰ کارکونکو اصلي دنده بولي، چې له پېنځو میلیونو زیات نفوس ته کله هم بسنه نه کوي. مهمه خبره خو داده چې تر هغو کابل ښاریان د ښار او کوڅو پاکوالي ته جدی توجه ونکړي، نو همدا خرابه هوا به یې د مرګي تر بریده ورسوی. تر دې ټولو وړاندې د وقایې په توګه په کار ده په یوه ګډه نور دا شعار جدي عملي کړو، چې؛ ( شهر ما خانه ما است). د پنجشنبې ورځې رخصتۍ کې که د خپلو کوڅو او لارو د پاکولو اشر هم ځای کړو، نو له یوې خوا به مو خپل ایماني او وجداني مسوولیت اداء کړی وي او له بلې خوا به یو آرام، پاک او ښکلی ښار ولرو.

212 total views, 1 views today

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2