Categories

اعلان

Loading…

طالبان: نن به هم هیڅ ډول برید نه کوو، خو د امریکایانو الوتکې مو په سر ګرځي

تاند، شنبه، د حوت ۱۰مه: په داسې حال کې چې د اورکم اوونۍ پای ته رسېدلې او نن د امریکا او طالبانو تر منځ د سولې هوکړه لاسلیکېږي، د طالبانو ویاند ذبیح الله مجاهد ویلي، خپلو جنګیالیو ته یې نن هم د جګړې د درولو او بریدونو نه ترسره کولو امر کړی دی.

نوموړي رویټرز اژانس ته ویلي، ټولو طالب قومندانانو ته امر شوی دی چې د سولې د هوکړې تر لاسلیک وړاندې دې هر ډول عملیات نن شنبه هم نه ترسره کوي.

ذبیح الله مجاهد ویلي، دوی د خلکو د خوندیتوب په خاطر خپل هر ډول عملیات او بریدونه نن هم درولي دي.

نوموړي ویلي، لوی کار به دا وي چې دوی هیله من دي امریکايي لوری به پر خپلو ژمنو ولاړ پاتې شي.
ذبیح الله مجاهد ویلي، د امریکايي ځواکونو جنګي الوتکې د طالبانو پر سیمو پروازونه کوي چې دا کار یو ډول پاروونکی دی.

دا په داسې حال کې ده چې افغان حکومت وايي، تېره یوه اوونۍ یې پر طالبانو هیڅ ډول عملیات نه دي کړي خو د طالبانو په یو شمېر بریدونو کې په ۱۲ ولایتونو کې ۲۱ سرتېري، ۹ ملکیان وژل شوي او نږدې ۵۰ نور ژوبل شوي دي.

ټاکل شوې چې نن په قطر کې د طالبانو او امریکا تر منځ د سولې هوکړه لاسلیک شي چې ورسره سم به بین الافغاني مذاکراتو ته لاره خلاصه شي.

onesignal_meta_box_present:
onesignal_send_notification:
response_body:
{"id":"cdc754db-6758-4333-a72e-4c62e22c487e","recipients":861,"external_id":"449352e3-8de8-932f-6616-047409d45e10","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
861

Leave a Reply

Your email address will not be published. Required fields are marked *

۸