Categories

اعلان

Loading…

قطر ته د ۷ هیوادونو د بهرنیو چارو وزیران او د ۵۰ هیوادونو استازي رسېدلي

تاند (شنبه، د حوت ۱۰) د بېلابېلو هیوادونو استازي او چارواکي د جمعې په ورځ د قطر پلازمېنې دوحې ته ورسېدل چې د امریکا او طالبانو ترمنځ د تړون د لاسلیک په مراسمو کې ګډون وکړي.

د یو پي آی خبري اژانس د راپور له مخې، ټاکل شوې ده چې د ۷ هیوادونو د بهرنیو چارو وزیران او د ۵۰ نورو هیوادونو استازي نن په دوحه کې په دې مراسمو کې ګډون وکړي.

د دې موافقې د لاسلیک لپاره یو اساسي شرط دا و چې د اورکم (د تشدد د کمېدا) اوونۍ بریالۍ شي. پرون (جمعه) د امریکا د بهرنیو چارو وزیر مایک پامبیو د امریکا د کانګریس د استازو جرګې د بهرنیو اړیکو کمېټې ته د خبرو په مهال تایید کړه چې د اورکم اوونۍ په لړ کې تشدد خورا کم شوی و.

پامپیو په افغانستان کې د اورکم اوونۍ په ترڅ کې تشدد خورا کم وباله

یو پي آی خبري اژانس وايي، ټاکل شوې ده چې د امریکا او طالبانو موافقه په دوحه کې د طالبانو په دفتر کې لاسلیک شي.

پرون (جمعه) د مختلفو هیوادونو پلاوي قطر ته ورسېدل.

له دې جلا په پام کې ده چې د امریکا دفاع وزیر مارک ایسپر او د ناټو سرمنشي ینس ستولتنبرګ نن په کابل کې د افغانستان له ولسمشر محمد اشرف غني سره د سولې ګډه اعلامیه اعلان کړي.

د پاکستان د بهرنیو چارو وزیر شاه محمود قریشي پرون وویل«سبا د افغانستان او افغانانو لپاره مهمه ورځ ده، دا لوی فرصت دی. افغانستان د سولې او پخلاینې خوا ته روان دی. نو، سبانۍ ورځ د افغانانو ترمنځ د خبرو لار هوارولی شي.»

د ازبکستان د بهرنیو چارو وزیر عبدالعزیز کاملوف وویل«موږ تر هر څه وړاندې غواړو چې خوشبینه واوسو، بې له شکه موږ د سولې د پروسې هرکلی کوو. موږ له افغانانو سره خورا نژدې بشري، کلتوري او اقتصادي اړیکې لرو.»

تراوسه پورې څرګنده نه ده چې د امریکا او طالبانو ترمنځ د موافقې له لاسلیکه وروسته به افغانان په خپل منځ کې روغه جوړه وکړي او که لا به هم د واک پر سر جګړه دوام وکړي.

طالبانو پخوا ویلي چې که بهرنیان وتلو ته تیار شي د افغانانو ترمنځ ستونزه حل کېدای شي.

onesignal_meta_box_present:
onesignal_send_notification:
response_body:
{"id":"7cb7a1a4-3168-4b32-bd0a-5fc5867f4415","recipients":861,"external_id":"2cd33164-389e-0898-7292-7e775617a396","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
861

Leave a Reply

Your email address will not be published. Required fields are marked *

۸